緬甸涼拌蕃茄

September 27, 2015, Sunday, 中秋節

今晚去奶奶屋企食飯做節, 姑奶叫我地幫幫忙, 每家會整一兩碟餸回去, 因為新請嘅工人姐姐唔係好掂, 講真我奶奶都唔識教, 點會整得好食.

奶奶屋企嘅廚房細, 再加上大伯話早的去大顯身手煮三個小菜, 跟本行多個人入去都唔得.  我決定簡單的整涼拌菜.

今日呢個涼拌蕃茄, 係Cindy教我整, 佢預備哂所有配料, 哈哈, 去到奶奶屋企, 我淨係拌勻就我啦.

  
切好的蕃茄(6個蕃茄),平時只用3個蕃茄

 
乾蔥頭, Cindy叫佢做小洋蔥.   一半生,  一半熟(炸脆)

 
芫茜

仲有花生碎, 蝦米(搥爛), 炸乾蔥碎, 辣椒粉, 仲有芝麻
.
 

調味就有炸完乾蔥的油, 魚露同少許糖.   仲有一樣Cindy叫yellow Beam powder, 我唔記我影相.   後來查到, 原來係鷹咀豆粉 Chickpeas power (佢話香港唔知邊道有得賣, 係佢鄉理响緬甸帶比佢).  

 

去到奶奶屋企, 連大隻的嘅碟都無, 真係激死, 下次要帶埋碟. 用兩個碟分吃放上蕃茄

跟著加乾蔥頭, 上面米白色嘅就係鷹咀豆粉, 我試的鷹咀豆粉, 係無咩味架.  不過上網查, 鷹咀豆好有益架.

跟著落蝦米碎, 炸乾蔥碎

最後加入芫哂.

跟著落調味: 炸完乾蔥的油, 魚露, 少許糖.   想食辣的就加辣椒粉

再加入花生碎拌勻就ok.   呢碟辣的.

呢的唔辣兼無蝦米, 因為有位姪女對海鮮敏感, 唔食得蝦米.

呢碟涼拌蕃茄, 真係好好味, 大受歡迎呀!