尖東煌府婚宴專門店

October 15, 2015,  Thursday

平時少去酒樓食午飯, 呢個星一連兩日都去.

型爸打電話嚟話一齊食晏, 好耐無飲過豬肺湯, 不如去煌府食lunch啦.

一聽型爸咁講, 馬上叫埋麻煩鬼同慢麼麼一齊食飯.

一鍋豬肺湯兩個人飲實在太多, 但型爸唔會理飲唔得哂, 佢只會叫,飲唔哂打包啦...咁不如四個人, 就一家飲得哂啦.

坐低見到的leaflet...吓HK$99 一隻片皮鴨, 預先一日訂仲HK$38一隻?  仲有晚飯孖寶.....鎮定的鎮定的....同午市無關, 要晚市先有得食.

我地坐低無耐, 杏汁豬肺湯即到, 因型爸一坐低就落單.

 

唔....又真係幾好味.  一鍋又真係唔係好多碗湯, 撈起的湯渣, 大概只有五碗湯...(型爸真係飲得哂架!)

精明嘅麻煩鬼就話點個套餐抵的, HK$188

有义燒一碟

 
三個點心(麻煩鬼真係好笑, 四個人點的最少有四件嘅啦)... 結果係黑松露燒賣, 蝦餃
  
仲有腸粉.

  
最主要係有糯米飯, 慢麼麼鍾意食.

但星期四有特價煲飯, HK$28一煲, 咁就要埋啦.

埋單HK$412,每位HK$103....有豬肺湯飲,係咁上下啦.

哈哈, 隻片皮鴨咁抵食, 搵日諗諗嚟試吓先得啦.