2015年10月21日 星期三

落雨路 + 松記食海鮮

October 11, 2015, Sunday

昨天帶兩隻狗狗去狗公園上堂, 真係有的筋疲力盡.  不過又幾好彩, 上完堂先開始落雨, 仲落足成晚.

 
星期日早上真係睇天做人, 望吓個天無落雨, 以為可以出門, 但10分鐘後又開始下雨, 仲越落越大.  天氣報告都係話會落雨,   睇手機, 仲好似會越落越大, 都唔知準唔準.

不過到八點半都仲係落緊雨, 組長好唔願意咁話要休息一天,  叫大家返上床再瞓.

哈哈, 醒咗又點再瞓, 大家都在群組閒聊. 九點幾就停咗下, 9:45收到組長呼籲....10:30am, 落雨路, 有無人出動....

哈哈, Rock N Roll (樂與怒..落雨路), 邊條線呀?  直昇機坪尤德亭?  型爸話不如行谷埔鳳坑, 跟著去松記食海鮮好過啦.

結果一呼百應, 連本來一早請假要帶小朋友出去睇醫生嘅陶媽, 都來得及參加.  我地一行八人又出發啦.


又見到呢個靚景, 不過個天灰濛濛, 唔緊要, 總之唔落下就得啦.


到我地真正起步, 都已經11:15分

雖然個天話落雨, 但我地一路行, 一的雨都無.   天氣清涼, 好爽呀!  仲見到好多行山團都出動.  平時我地早出發, 通常回程先見到其他山友, 但今日大家咁上下時間, 都係向同一方向行.

為咗鍛鍊自己的心肺功能, 我將步速加快. 一口氣行完上130級樓梯, 再落149級....ok 喎. 再行到宋伯士多....都唔需要休息.

訂咗12:30松記, 時間尚早, 我地行遠的先兜入蘭桂騰芳, 再去松記

去到松記都只係12:05, 今日腳程好快.

因為我想鍛鍊心肺, 調快了腳程.  咁我同型爸先到就開定位等大家.  都唔使10分鐘, 大家就好快到齊.

好彩我地預早打電話嚟咋, 松記那位楊生話, 如果我地唔預早打定電話, 海鮮訂哂, 連魚都無得食呀....

唔使驚, 我地訂咗有得食呀!

白切雞一隻

老闆介紹飲德國啤酒, 結果要了三枝

蒸蜆

 
白焯蝦, 食完都唔記得影.   哈哈, 型爸用的殼排番隻假出嚟比我影

豉油皇鮮墨魚片

煙肉豆卜炒椰菜

豉油皇炒麵, 前後叫咗兩碟

蒸黑海鱲, 一條魚仔, 大條的都無呀!

客家炆豬肉最後先嚟, 嘩, 咁多豆豉嘅, 超鹹呀!

為咗碟客家豬肉, 我地要兩個白飯share嚟食先掂呀!

埋單一千三百幾, 每位HK$172

行咗一個鐘, 食飯都係食咗一個鐘.

食完行多十分八分鍾就到宋伯士多, 每人食番碗豆腐花做甜品先.

回程食到飽就無嚟時咁輕快, 個胃都重咗好多啦.  唔知係咪的血去哂個胃, 有的攰呀!   當一口氣行上149級樓梯....好索...氣呀!

又係大約一小時出到去.  我地又去觀音廟/天后廟/龍皇廟拜吓神

上兩星期早上嚟, 潮水漲, 今日下午嚟, 潮水退....景色相差咁遠

水退後, 棵樹好似折斷落泥地.... 而水漲時棵樹好像依水而生

而建出去的石檯石櫈, 完全沒有了在水中央的感覺了.


原來潮退後, 呢道孌成泥漿地...景色相差實在太遠...現在才明日, 為什麼那些小白鷺可以站在水中央.

沒有留言:

張貼留言