鹽烤秋葵

October 1, 2015, Thursday

國慶日, 我地今晚有聚會, 又要諗吓整咩野好.

自從上次去食爐端燒, 個師傅將的秋葵串起嚟烤...一的難度都無, 我當時就諗我會試吓用焗爐嚟烤..哼, 今日就整呢個做小食.

近來的秋葵平咗好多, 兩包都只係十幾文.

為免炸熟後秋葵入面的汁液流出來,  洗淨後我用小切切平去蒂

在焗盤排好

預熱焗爐180度, 焗五分鐘, 將的秋葵反轉又再焗五分鐘, 出爐後均勻地先灑上海鹽

鋪上碟上再灑上炸蒜蓉...即時靚哂.

唔好用非常美味嚟形容呀, 因為秋葵本身無味.  加了鹽食起有點味,  比的男士送酒, 起碼都健康的啦.