牛鬆生菜包

October 19, 2015, Monday

好鐘意食的包包吓嘅餸, 例如泰式肉碎生菜包, 片皮鴨, Tortillas...等等

昨天買咗幾棵好靚嘅生菜, 一心就係要嚟包包包

今日包咩...係牛鬆生菜包呀!   用牛肉碎加洋蔥碎, 菜圃碎, 蝦米碎, 炒炒炒, 調味, 最後加入花生碎就攪掂.

牛鬆肉碎生菜包

 
我地覺得好好味呀...包咗好多件嚟食呢!  淨食牛鬆生菜包都差唔多飽啦.

咁今餐仲有其他餸, XO醬水魷炒牛柏頁, 呢的係火鍋後遺餸, 但炒起好好味呢!

呢碟豉椒蒸鱔片又係火鍋後遺餸, 但一樣咁好味呀!

仲有牛腸肚肉骨茶.

呢餐都幾豐富架!