緬甸雞撈麵

October 21, 2015, Wednesday

重陽節假期, 我地又有聚會呀! 今晚會在16號屋potluck 聚餐呀!

型爸昨天去了國內見客, 佢客人從上海訂了大閘蟹, 今日型爸會人肉速遞大閘蟹回來.  通知了鄰居, 今日有蟹食呢!

咁除咗食蟹, 都仲要木整多一樣架.  同Cindy商量, 佢話整緬甸雞撈麵, 咁又好吖, 今勻佢教我整呀!


仍攞咗的類似乾麵條的東西

落鑊炸呀!  炸好盛起

 
 跟著用蕃茄蒜頭紅蔥頭絲搥成蓉

兩塊雞扒肉切粒, 用鹽魚露略醃

燒熱油, 將蕃茄蔥蓉爆香

加入雞肉炒熟

 
 盛起備用

Cindy話用麵或烏冬都可以, 咁今日就用烏冬, 三個烏冬用熱水煮開, 都好後上碟備用

跟著用1湯匙辣椒粉, 用油爆香, 盛起備用

跟著準備埋其他配料.   全部加埋有:  烏冬, 雞肉, 紅蔥蓉一碗, 檸檬一個(食時揸汁撈入麵內), 熟雞多絲, 炸麵條及芫茜.


準備好哂就排上碟

哈哈, 呢樣無所謂, 純粹拎去人屋企時靚的.   呀! 差的唔記得, 加咗的鷹咀豆粉呀!

 

用保鮮紙包好, 面辣椒醬就另上.   哈哈, 係咪都幾靚呢

 

食時撈勻, 我試味時覺得淡咗的, 再加咗的麻油及魚露.  最後加埋的辣醬等佢惹味的.

大家都話幾好味.  可過我覺得放得太耐無咁好, 因為吹著冷氣, 的烏冬凍咗,的汁凍咗變得有的糊口.  不過都差唔多食哂, 只剩低半碗.   

今日太多野食, 大部份都食唔哂呀!