2015年11月11日 星期三

小廚知味

October 31, 2015, Saturday

今日一早送Whisky仔到獸醫診所做手術, 心中忐忑不安.  手術前要簽下免責條款,  跟著將佢交比姑娘, 個心好赤呀!   本來做絕育手術只有一個位置開刀, 但Whisky只有一顆睪丸在外, 另一顆在體內, 要開刀在膀胱附近取出, 跟著肚臍有一顆脂肪瘤同時除去, 要開三刀, 唔擔心就假啦.

唔止我擔心, 型爸都好擔心呀!   十點幾送去醫院, 兩點先做手術, 如果一切順利, 三四點就會通知我地, 黃昏六點先可接佢返嚟.  等待呢段時間, 我同型爸兩個都好掛心呀!

早上出咗嚟, 就順便去買餸去超市, 左騰右騰做的野, 攪到忙的就唔使咁掛心.


午飯就在超市對面的小廚知味食.   自從上次食麻辣雞煲, 覺得太濃味, 好耐無嚟食啦.
 
今日午餐有土魷蒸肉餅HK$36, 睇餐牌,平時要HK$50.  見隔離檯叫咗, 好似幾好, 我地都要一份, 再叫多一客口水雞.   哈哈, 先兩日去川婆婆食口水雞, 今日又試吓呢道嘅口水雞.

飲完個節瓜排骨湯, 碟肉餅就送上.   我覆一個whatsapp, 睇吓碟肉餅, 已經比型爸食咗一半(亦都夾咗的落我碗飯).  我問型爸碟肉餅好好味咩, 食得咁快嘅, 佢就又真係幾好味.

咁我又咬一啖碟肉餅啦, 嘩, 又真係好鬆, 唔會死死實實, 又唔會滿口肥豬肉, 好味!

跟著碟口水雞又到....睇落好靚嗰, 用黃油雞, 仲咁大碟.  味道唔錯, HK$47真抵食.

跟著仲有飲品, 奶茶走甜多奶...好味!

兩個人食兩份午餐HK$84...抵食又好味!

食完返屋企繼續等待, 差不多四點獸醫診所先打電話嚟 (心急死我地啦), 話狗仔醒咗, 一切順利, 我地先放下心頭大石咋.

沒有留言:

張貼留言