2015年11月16日 星期一

四季酒店飲宴

November 2, 2015, Monday

今晚我同型爸去港島四季酒店飲宴呀!  同輩朋友之中, 呢個朋友嘅兒子最早結婚, 初時以為佢地好快升做爺爺級, 但原來又唔係.   新娘新郎是在美國讀書的大學同學, 畢業一年就結婚, 今次攪了一個盛大的婚宴.

 
大約七點去到, Cocktail party 己開始,

有即時演奏
圍邊桌上放了很多酒, XO 山
紅酒, 香檳, 威士忌

大約八時多九時才可入席, 响出面伍到腳軟呀!  今日共開38席.

侍應先上酒, 同桌的一位朋友對紅酒有認識, 呢款紅酒, 要四位數字先可以買到呀!

呢枝Whisky, 我地曾經在台灣機場免稅店買過, 一樣係四位數字, 不過味道型爸就話唔like

呢枝XO都唔平架.

大家都飲得很高興, 但我唔可以飲呀! 型爸飲咗唔可以開車, 回程要由我負責開車呀!

今日大會司儀請咗陳啟泰,  一輪開場白之後, 跟著就到新娘新郎雙方家長致詞, 都講咗好耐

大家好肚餓, 九點幾卒之有得食啦.


今晚豐富的餐單

鴻運乳豬全體, 皮脆好味

鮑粒釀嚮螺, 好味

松露鮮百合炒蝦球, 好味

燕液竹笙扒時菜, 好味

龍皇燕窩羹, 好味

蠔皇鮮鮑魚, 的汁整得太鹹, 麻麻地

清蒸東星班

水餃唔錯, 但的湯味道麻麻

我地呢檯少咗幾個人, 跟著的炸子雞, 飯麵甜品都已經食唔落.

的野好食, 同檯嘅都係好朋友, 大家都好樂意將食唔哂嘅食物打包拎走!

最攪鬼係我地每人都有禮物(唔知係咪坐咗响女家嗰邊), 每個座位上都放咗一盒禮餅.

而檯上面, 每一位都又有一份小禮物.





入面係蛋糕型嘅朱古力

主人家好闊綽, 酒水食物都好好,  同檯都係好朋友, 大家都食得好開心. 

今勻真係又食又拎呀!

沒有留言:

張貼留言