有心

September 3, 2017, Sunday

今個星期日又要取消行山, 雖然早上沒有下大雨, 但天氣不穩, 組長都係決定休息一天.   之前兩個颱風破壞力強, 今個星期再預告有颱風, 大家都有戒心, 小心為上.   加加埋埋, 四個星期無行山啦.  

無去行山, 組長唔停得, 又去買海鮮煲粥... 佢好有我地心, 每次都預我同型爸.

今次佢買咗蜆, 蟹, 蝦, 海班嚟煲粥

又係义燒炒油麵

咁我唔可以空手去架, 好彩屋企有餃子, 馬上煎一碟, 配粥都好啱

的海鮮撈起, 組長放的生菜响碗底, 放兩塊班片, 加的熱粥落去....魚片夠滑又有海鮮味.

四個人又食到飽飽, 好好味呀!

幾個星期無行山, 資深領隊哈叔話唔行山都可以約出嚟食飯, 仲影咗張葛瑪威士忌嘅相去吸引型爸.   一哥雞煲火鍋, 做咗我地晚上聚腳的地方.

哈哈, 去到唔止一枝, 仲有一枝Deward 15年.

一去到, 見到鄰檯有個大盆,   嘩! 咁大盤嘅.   睇清楚呢個類似盤菜, 不同的只係將所有食物平放大盤, 加的湯熱著嚟食.   盤裡嘅食物都早已煮熟.   哈哈, 咁樣食法我又麻麻喎.

今日我地要了薑蔥辣炒蟹, 仲有蒜蓉粉絲蒸元貝

 

荔枝咕嚕肉

 

一口牛翠肉瓜

 燒乳鴿

炸茄子, 仲有炒菜同椒鹽豆腐

大家傾吓食吓, 開心呀!