Ruby Tuesday + Barry Seal 飛常任務

September 8, 2017, Friday

今晚又有人約我睇戲食飯...哈哈, 仲有邊個吖, 我家兩大猛男型爸同二公子囉.

型爸唔知係咪同二公子溝通有問題, 又話訂咗19:05 戲票, 大家相約18:30 到, 佢地到先, 發覺係19:35, 差不多仲有一小時, 咁我叫佢地去食晚飯先.

放工時間塞車, 我差不多七點先到.

又係Ruby Tuesday, 無辦法, 二公子鐘意食西餐....但計落我地都有幾個月無嚟食過.

二公子子型爸都鍾意食的煙肉芝士薯條

兩客周打蜆湯

黑松露意大行飯

和牛西冷

會員半價優惠....五百幾文...抵食.

呢道的食物有一家水準.....同昨天的pizza Hut 當然係無得比較啦.

食完快快埋單, 趕著睇戲....雖然食得有的急, 但好過睇完戲先食呀!

睇呢套飛常任務, 最主要都係因為湯告魯思....呢套戲總之係攪笑啦.