心心相印腸仔蛋多士

June 17, 2018, Sunday morning

今天父親節, 為咗氹吓型爸, 哈哈, 有搵的野嚟攪作一下.

 今次整呢個心型爸腸仔蛋, 要用幼身的普通雞肉腸.  用熱水烚軟, 跟著中間切開.  尾部唔好切斷呀!

 將腸仔反起成一心牙, 用牙籤定形.  加少許油落平底鑊, 放入心形腸

 加隻蛋入心裡面,, 煎好一面, 跟著就用鑊鏟反轉腸蛋煎另一面, 喜歡生的或熟的就自己決定啦.

 跟著就到個心心相印多士.  先用心形模將麵包心印出來, 麵包心可放入多士爐焗脆

 跟著放麵包落平底鑊, 如果唔使反蛋, 就將麵包先煎一面, 跟著後轉再打入一隻雞蛋, 蒸好一面就可上碟, 如果要反蛋, 放麵包落平底鑊時就要加蛋, 跟著煎好一面就反轉煎另一面.

 整好啦!  焗好的麵包心加上芝士, 就成為心心相印多士.   哈哈, 型爸有心形腸仔蛋

 我的一份心心相印多士.

仲有咖啡及果仁麥皮

哈哈, 少少攪作, 型爸食得好開心呀!

我兩隻寶具見到流哂口水啦....等等, 實有你地份的.