父親節遊山玩水

June 17, 2018, Sunday

 食完個開心心心相印早餐, 跟著就去行山啦.

今天父親節, 有八位組員成行.  其中有五位父親出席, 昨晚已經同佢地講, 今日遲一點九點幾先出發, 行谷埔鳳坑, 跟著去松記食海鮮, 同佢地一齊慶祝父親節.

呢條路線行過好多好多次, 但呢幾年來, 從未試過預到水浸, 原來今日靖午加上潮漲....哈哈, 攪到遊山玩水....真開心.

行過鳳坑時, 第一個障礙係小兒科水浸, 我地都可以沿山踩著樹根泥地勉強過到.   但經過後不到幾分鐘, 水已經過腳眼.  後面嘅行人, 要脫鞋澗水而行.  好彩我地過哂唔使濕腳.

迎面來的行山客話前面有一段路已經水深及膝....哈哈, 咁即係脫鞋都唔掂啦

 當我地正躊躇睇吓點好, 見到煎面有隻小艇, 接了兩三個行山客, 咦!  我地去問吓載唔載埋我地都好喎!    行到埋去....嘩! 好野, 原來係松記的楊老闆....馬上載埋我地去松記.

 

睇吓, 共中好大段路面已經被水浸了, 根本唔可以行....

有船坐, 唔使10分鐘就到松記對出的碼頭....碼頭都浸咗三份二...嘻嘻, 我地真好彩呀!

 去到松記都只係十一點半, 我地行吓谷埔村先再返嚟食午飯

 去到宋伯士多, 今日都無開呀!

 而响附近的水閘, 水位好高, 水閘的另一邊, 的水不段急速流入.   如果唔係有呢個水閘, 谷埔村肯定浸埋, 嗰的牛牛都唔知點算.

行入去谷埔村探吓枝電燈柱先....好擔心佢終有一日比棵大樹壓斷.

 跟著行返去松記食午飯....男士飲啤酒, 女士飲Sandy.

 

老闆話休魚期無海魚, 只有蜆.   哈哈, 我地無所謂, 有咩就食咩啦.   只有蜆就叫咗三篱

 呢道嘅滷黑好好味, 加埋個蔥醋汁就更加好味.

 走地雞都好滑

 豆卜煙肉炒椰菜

 炒苦瓜

 辣炒豉油皇炒麵.   今日碟麵唔得呀! 太硬了.

 蠔仔煎蛋

 無客家炆豬肉, 要咗牛筋腩

呢餐1,350, 就由我嚟做東, 請各位父親慶祝啦.

 就時又係靠楊老闆呢隻稚呀!  如果唔係真係唔知要等幾耐的水先退呀!

 

楊老闆載我地出到去近陳鳳記那邊的橋底.   楊老闆話只有水漲才可以駛到入來

  我地就可以由呢道上岸啦.

哈哈, 上到去經過開心BB棧, 哈叔又識得老闆娘, 我地剛食飽, 老闆娘話佢呢道的豆腐花好正, 咁就入去試吓啦.

咦, 的豆腐花又真係幾滑喎, 仲好大碗添.

幾錢一碗就唔知啦....哈叔爭著比錢呀!

大家過了一個非常開心的早上.