五號屋的部落

2010年11月8日星期一

和興客家王晚膳

2010年11月8日下午2:16公開累積瀏覽 24 0

午飯後, 就去了做按摩. 近來肩頸位真係有問題, 尾龍骨位置亦常覺又攰又痛, 針灸同按摩, 對我都有幫助.

做完出嚟都差唔多七點, 我地決定食埋飯先返屋企.

去了一家叫和興客家王的地方. 我地唔想食得太肥膩, 所以叫的餸都好清.

陳皮湯. 呢個湯好好味, 用一個功夫湯壺裝著, 用荼杯嚟飲. 入面的湯料好簡單, 有豬肉, 雞腳, 南北杏, 陳皮. 煲出嚟好好飲, 唔覺有味精.

叫咗半隻金桶蒸雞. 有雞味, 的肉略實, 似走地雞

清蒸邊魚. 的邊魚好新鮮好甜.

上湯浸西洋菜. 本來呢個餸好清, 可惜佢地落得太多油, 如果唔係更加好味.

呢間的餸都幾好食, 會再幫襯.

呢三餸一湯, 型爸, 我同一位朋友, 都夠食, 大家都唔想食得太多. 滿意.

2010年11月5日星期五

同事家大閘蟹宴

2010年11月5日下午12:47公開累積瀏覽 46 1

我的同事, 去了上海參觀世博, 順道回來時帶了洋澄湖大閘蟹... 他出發前, 我地已經預先相約十多位同事, 一起到他家食大閘蟹.

放工後出發, 到他家已經晚七點. 他家那隻深啡色拉布拉多, 已經不停的吠歡迎我們. 隻狗個樣嚇得人, 其實friend到暈. 我帶咗隻飛碟同佢玩, 點知佢實在玩得太顛, 扯到我指甲都斷了... 唔同佢玩, 佢就不斷撲上來. 隻狗已經歲幾, 可能佢仲以為自己係bb狗, 但比起去年我見佢己經大隻好多, 企起身差唔多有我咁高... 哈哈! 仲不斷非禮我地每一個人, 不論男女. 我唔怕狗, 仲可以同佢玩, 有個女同事真係怕咗佢. 但的狗好識性, 你越驚, 佢越追你.

同事的太太在廚房忙著準備食物, 我地就先上天台大家飲酒傾謁.

朋友已雪好兩支sparkling Wine, 而我地幾個共帶了6支酒去, 有sparkling wine, 白酒, 甜酒. 我就帶了一支紅酒.

同事的太太準備了非常精緻的餐前小吃及蔬菜沙律.

還有蔬菜卷.
在天台短短一個小時, 我地已經飲了兩款三支sparkling wine. 跟著樓下大叫...的蟹食得啦.

當我地落到一樓, 見到個大鋼琴, 就叫同事的兒子即席表演一下, 他已考獲八級. 而我另一位同事亦表演另一首, 佢地都話好耐無彈, 但都彈得好好呀! 我地拍爛手掌作為鼓勵.
跟著我地落大廳食蟹..

已預備好薑蓉淅江醋

已熱好的塔牌十年陳紹興酒... 紹興酒比較易入喉, 唔覺唔覺, 都飲咗幾多. 共開了四支.

大閘蟹嚟啦, 我淨係記得影一張相咋....因為實在太興奮啦. 的蟹好靚, 爆哂膏呀! 第一輪食公蟹, 第二輪食母蟹... 同事叫我食多隻...唔好啦, 好夠啦, 呢排食到爆哂燈呀! 同事太太還預備了焗魚, 但係都無食到, 因為太夠啦...

餐前小吃已經食咗唔少, 加埋兩隻蟹, 真係好夠. 還有薑茶湯丸. 薑茶好味, 我要添飲.

無咩影相, 因為已經開始wing吓wing吓... 我已經飲咗三種酒啦...

餐後再開了兩支甜酒... 又另一種酒, 第四種...

最後同事還開了一支他極喜愛的榛子甜酒, 呢隻榛子酒, 味道好香, 又甜又滑, 女士應該會喜歡....第五種酒...

十一點幾了, 有同事住得頗遠, 我地叫的士離開. 另一位同事送我回家...不過佢都酒意甚濃, 因為他比我還多喝了一款酒(啤酒). 其實我想先送他回家, 因為先送我回家, 路程會遠很多. 不過佢話唔得, 一定要先送我. 回家途中, 真係頭暈暈, 個胃仲頂住....好想瞓覺呀!

返到去, 即刻沖涼, 醒番的, 諗著擦埋牙就上床瞓覺. 點知一擦條脷即刻嘔....

嘔完即刻舒服哂, 上床我諗唔使十秒就已經瞓著咗. 第二朝, 個個同事都正常返工(包括我), 好多個同事都好飲得, 好似淨係得我一個嘔咋, 真係無鬼用...

久唔久相約同事gathering, 真係好開心, 佢地話要去我屋企BBQ 呀....

2010年11月3日星期三

羅浮山吃喝玩樂兩天遊 - 褔田口岸晚餐

2010年11月3日上午11:39公開累積瀏覽 105 0

差不多兩個幾小時, 才由惠州開回到深圳, 到達深圳己經差不多六點...

我地唔係即刻去食飯, 去咗我地平時去開比較好的地方做按摩...犀利, 兩日之內第三次... 响惠州嗰兩次都係休息消磨吓時間, 並未消除疲勞. 我同陶媽今次搵中醫理療, 做完之後真係鬆咗好多.

做完出嚟已經晚上八點幾, 我地去咗就近一間粵, 京, 川菜館, 見到佢好似咩都有得食, 即管試吓.

鍋巴豬扒

炒皇帝菜

蔥油蛋煎餅

醬骨架

鐵板羊肉

水煮魚.,

還叫了兩客芹菜豬肉餃, 真係好夠.

呢道的食物都係一般, 我地好快食完便離開, 陶媽歸心似箭, 好掛著陶陶呀!

2010年11月2日星期二

羅浮山吃喝玩樂兩天遊 - 集賢閣菜館午膳

2010年11月2日下午4:15公開累積瀏覽 37 0

酒店check out 之後, 我地開車去到一間新開嘅酒樓

叫集賢閣菜館

前面係一個好似閘口嘅建築物, 後面白色尖頂嗰間先至係酒家.

內裡裝修都係好古式中國化

其中一個大廳

轉入去之後係後園

後園有水池石山

我地被安排坐入獨立房間, 呢道的餐具檯布同昨日嗰間紅燈記好相似, 只係這裡比較新淨.

呢個係煎蛋魚湯, 非常好味, 應該無味精

呢道出名嘅焗鵝, 但嚟到嘅時候都唔熱, 咁我問嗰位小姐點解的鵝唔熱嘅, 佢話新鮮架, 今朝一早焗架, 如果要熱, 幫我地攞的鵝入微波爐叮熱佢啦. 吓! 梗係唔好啦! 雖然凍凍地, 但的鵝肉都幾好味.

呢個豬肚, 嚟到又係凍嘅, 唔知係咪屬於冷盤呢. 平時我地食的豬肚白色, 呢的深色, 應該未漂過, 但中間有的硬硬地好似軟骨咁, 似豬耳多的. 味道一般.

呢碟叫紅貝菜, 以前未食過, 不過無咩特別. 佢地落太多油去炒, 非常油膩.

呢碟係今餐最貴, 叫荷葉蒸石蛤, 類似田雞的東西, 都ok

本來我地叫臘肉炒尖筍, 點知嚟咗腩肉炒尖筍. 腩肉得幾塊, 同嗰位小姐講, 佢話唔好意思攪錯咗, 攞入廚房, 加多幾片臘肉落去. 尖筍好爽口, 但的腩肉/臘肉大肥.

型爸叫佢比兩小杯糯米酒我地兩位女士試吓. 陶媽有的喉嚨唔舒服, 唔敢飲. 呢的係佢地自家釀, 小小甜, 我覺得幾好飲, 叫咗一斤(二十蚊人仔一斤, 真係好抵), 飲咗少少, 剩咗帶返香港慢慢飲.

五餸一湯, 好夠我地四個人食.

總結, 呢道的餸, 比昨日那間紅燈記好得多.

飯後我地商議今日行程, 個個都飽到飯氣攻心, 而且打完波都真係幾攰, 都係決定去足浴休息一下. 開車去咗一間昨日經過的足浴店, 裝修都頗簡陋, 但入到足浴的地方尚算乾淨.

休息一個鍾, 我地起程回深圳....

2010年11月1日星期一

羅浮山吃喝玩樂兩天遊 - 潮汕砂鍋粥宵夜

2010年11月1日下午1:42公開累積瀏覽 84 0

食完晚飯, 我們開車到市中心, 睇吓有無高爾夫球用品店, 經過見到有幾間, 但大部已經關門. 唉! 我真係好想買對手套, 我嗰對舊手套比我剪穿咗指頭部份, 等我的長指甲可以伸出嚟, 成日都諗著買對新嘅, 嗰次响珀麗睇過, 又唔啱size. 明天等的鋪頭開門再去睇過.

跟著陶爸&型爸根據GPS, 去搵地方做按摩. 陶爸ipad入面個GPS好犀利, 搵消閒娛樂, 都show咗幾間出嚟. 呢度搵吓, 嗰度搵吓, 卒之搵到一間睇落門面比較好的.... 但入到去, 都係舊式及比較簡陋. 既然嚟到, 我地都做咗一個鐘按摩. 型爸&陶爸都話的技師唔係好得(我諗佢地都係想飯後睡一睡), 但幫我做嗰位女士, 都有幫我鬆到肩膀.
按完摩出嚟十點幾, 我地就去剛啱經過嘅砂鍋粥店.

潮汕砂鍋粥店, 問過個老闆, 佢地好勤力, 開到凌晨四時...嘩! 呢道的居民咪好鍾意宵夜.

呢道大部份店舖, 建設方式都係上居下鋪, 或者係前鋪後居.

碗筷茶具都好古典傳統

食粥嘅前菜, 的荌茜等陣加落的粥道.

一大煲就砂鍋粥嚟啦! 嗰位小姐見我地得四個人, 佢話唔好煲咁大煲嘞, 不過嚟到都有大半煲, 好夠食(食咗差唔多一半先記得影相). 型爸同陶爸揀咗水魚同黃鱔做粥料, 因為料太多, 食完第一碗, 的煲粥變得好杰, 但清甜好味呀!

另外叫咗一碟芥菜...

好滿足呀! 食完快的返酒店休息, 明天早上07:48 tee off 呀!

羅浮山吃喝玩樂兩天遊 - 紅燈記食家晚飯

2010年11月1日上午11:06公開累積瀏覽 111 0

偷得浮生半日閒, 星期五下午請了半天假相約陶陶媽/爸到惠州羅浮山吃喝玩樂兩天遊. 而今次目的就係去打番場高爾夫球.... 真係好耐無落過埸打啦.

下午二時許由尖東出發, 差不多五時許才到達嘉寶田國際度假會議中心酒店, 而型爸已經到達在那邊等我們.
哈哈, 呢間酒店竟然話係五星酒店, 唔知係咪起好之後跌咗幾粒星, 真係三粒星都比多佢. 不過都係瞓一晚啫...
Check in後, 上房間放好行理, 我地就出去市中心逛逛, 陶爸開車, 用GPS帶路.

去咗呢間紅燈記食家食晚飯. 陶爸話以前都嚟過, 都ok嘅. 但我地去到, 見到有大旅遊巴, 唔通做旅行團.