東海黃油蟹

2011年8月18日下午2:27公開累積瀏覽 108 2

August 09, 2011, Tuesday Night

 

黃油蟹季節又嚟啦, 咁梗係要去試吓啦.  舊年去尖東嗰間東海, 真係麻麻, 我的蟹未食完, 其他的餸已經上哂.  攪到的野凍哂, 邊好食吖.  舊年再去鴻星食, 每次去都話的餐蟹賣哂, 只剩下大隻的嘅, 咁當然要補錢, 攞出嚟比我地睇嘅, 原來只得兩三隻, 隻隻都係雪到郁都唔郁.  但係去到都迫著加錢食架, 貴的都照比啦.  不過心中都有的不快架.

今年東海的廣告賣得好行, 一於去東海, 但今次唔去尖東嗰間, 去咗The One 嗰間東海, 12/F.,

呢間開咗幾個月, 的裝修都好新, 檯布餐具都靚的

嚟到都唔使諗, 淨係考慮要食咩野黃油蟹餐.  有四位用HK$1,288, 但每人只得半隻蟹.   另外一個一人餐每位hk$638. 

計過數四人餐多的野食, 只要我地加兩隻蟹就可以每人有一隻蟹啦.  仲可以叫唔同嘅整法, 餐蟹就清蒸, 加嗰兩隻就用薑蔥油焗.

每人送一杯飲品, 我唔鍾意飲橙汁, 都係飲紅酒好的

特式三小碟, 芥末蟹子墨魚, 都幾好味喎, 不過食中式餐嚟個日式頭盤, 又好似有的怪

大話小紅茄, 我鍾意食蕃茄, 非常開胃

醬油素螺肉, 唔講都唔知的螺肉係素嚟架, 真係好似

比個close up睇吓, 真係好似, 食落爽口似海浙多的

其實呢三小碟都唔錯, 但真係唔算小碟, 我覺得都幾大碟.
黃油蟹嚟啦.....

呢份係我地加嘅兩隻蟹, 薑蔥油焗, 所以用煲仔上.  上菜時原隻上, 再叫佢地攞入廚房, 一開二, 每人半隻.  睇吓, 真係頂哂膏架.
食完就輪到的餐蟹啦...

的餐蟹係用清蒸, 因為係四人餐, 所以上菜之前已經係一開二, 又係頂哂膏.  的蟹都算靚.
食完蟹我已經覺得有的飽, 但仲未開始食其仔野呀!

山珍佛跳牆

醬油雞

蝦籽柚皮

鮮什菌炒鳳尾蝦

每人一個勁大隻小龍包, 我頂唔著啦, 叫大公子幫我食埋佢.  佢當然超樂意啦.

最後上甜品

係綠豆沙嚟架.

我地坐嘅位置幾好, 近窗, 可以望到外面嘅景色.  望出去最高嗰座係K11.  分咗三個時段影.... 臨走時嘅夜景就無影啦.

埋單hk$2,164....抵過叫四個一人餐.  分別之處係食佛跳牆或金山勾翅... 都係四人餐多野食的... 應該無選擇錯.

酥炸獅子魚

2011年8月15日下午2:22公開累積瀏覽 154 0

August 7, 2011, Sunday Afternoon

 

去剩市買餸, 見到十蚊一碟獅子魚, 突然諗起, 可以整個酥炸獅子魚喎, 即刻買番一碟.

將的獅子魚打鱗去腸, 用鹽略醃, 瀝乾.  都有諗過唔要個頭, 但又覺得要埋個頭炸起靚仔的.

將的獅子魚沾滿生粉

落油炸.  我炸了兩次, 第一次炸完唔夠乾身, 好多油.  再炸的魚好快就乾身, 仲迫哂的油出嚟.

呢碟咁正嘅酥炸獅子魚就攪掂啦! 食時仲可以因應口味加的海鹽或黑胡椒粉.

不過下次都係唔要個頭, 淨係要個魚身, 慳的油.  食落脆到連骨都可以食埋.

十蚊雞一碟餸去邊道搵.... 當然...花心機, 花時間, 仲幾熱氣架.   但久唔久先整一次啫....滿意.

菠蘿海鮮炒飯

2011年8月14日下午3:02公開累積瀏覽 174 0                    

August 7, 2011, Sunday Afternoon

昨天去Supermarket, 見到的菠蘿好靚, 忍唔住買番個, 諗著整菠蘿炒飯...

將個菠蘿從四份一處打直切開.  將菠蘿肉取出

配料有蝦, 墨魚, 紅蘿蔔, 栗米粒.

再加三色椒切丁, 菠蘿碎

仲有火腿 & 雞蛋三隻
做法:  將所有配料用油爆香炒熟, 盛起.   蒜蓉起鑊將飯炒至略乾身, 雞蛋打勻, 加落去繼續炒, 加調味(老抽, 生抽, 鹽, 魚露, 胡椒粉). 

最後加入所有配料一齊炒

將炒飯加入已挖空之菠蘿入面

影返張靚仔相先
預熱焗爐180c

放入焗爐焗10分鍾.  個菠蘿頭放唔入, 要切咗先放得入.   焗咗出嚟, 的菠蘿味香氣四溢.

又影張靚相先.

一個菠蘿裝得好少飯, 其他嘅就另外裝起啦.

個菠蘿炒飯焗起好香, 但食起又同其他炒飯差唔多.   其實自己屋企食, 用唔用個菠蘿裝著都無所謂.  如果請客, 放入個菠蘿先上檯就殺哂啦.

蒜頭豆豉南瓜煮三文魚頭

2011年8月10日下午3:32公開累積瀏覽 166 0

August 06, 2011, Saturday Night

今晚我地又與鄰居聚埋一齊食飯, 都唔知煮咩野好...

買咗半個南瓜

又記起買咗個三文魚頭...

好耐都未煮過呢個餸, 今日就嚟煮呢個蒜頭豆豉南瓜煮三文魚頭.

三文魚斬件用鹽略醃.  撲上生粉, 將三文魚煎熟
南瓜去皮去籽切件, 蒜頭豆豉搗碎.

用蒜頭起鑊, 將的南瓜爆香, 加調味將南瓜煮到喜受嘅腍度(我覺得煮得太腍唔好食).  我啱啱去攞相機, Ruby就將的三文魚回鑊.

三文魚其實已經煎熟, 只需放入去炒幾下吸收的汁同味就可以.

咁就攪掂啦.  我喜歡食南瓜, 覺得好好味. 

印尼蒸蛋糕

2011年8月9日下午1:44公開累積瀏覽 461 1

August 5, 2011, Friday Night

 

Ruby其實都真係好鍾意整野食, 我已經好耐無整香蕉蛋糕,  因為整得多都想轉吓口味.  但自從我教咗Ruby整香蕉蛋糕之後, 佢一見我的蕉熟, 夠三隻就整蛋糕, 真係攞命. 我教佢寫低個recipe, 工多藝熟, 佢而家都整得唔錯架.  當我話比佢聽我的同事想食香蕉蛋糕, 佢第二日就即刻整, 攞咗返公司, 的同事話好味喎. 

 

呢日又整蛋糕, 不過唔係焗而係蒸, 整好仲pack咗一盒四個叫我帶返公司, 又叫我即刻試食.  我話唔使咁多, 要兩個好啦.  實在太熱情啦...

我問佢點整架, 佢就show的材料比我睇, 有一樣好特別, 我未見過...

就係呢個盒仔啦

細細盒35g, 叫做Ovalete, 佢話呢的等於酵母

好特別, 係膏狀, 佢話用一茶匙就啦.

 

佢係用呢隻大白菜中低筋麵粉.

椰子糖

我無見到到Ruby點樣整, 佢講比我聽嘅做法, 其實同我地平時整蛋糕分別唔大, 但最奇怪係加咗汽水, 用蒸而唔用焗可能係印尼唔係好多人有焗爐.   睇吓的材料同做法....

材料: 麵粉1杯(250g), 糖1杯, 7喜或雪碧1杯, 酵母1茶匙, 雲呢拿香油1茶匙, 雞蛋1隻, 蛋黃2個, 椰子糖適量(敲碎).  呢個份量, 做起有15個小蛋糕.

做法: 將雞蛋, 蛋黃同糖打發至淡黃色, 慢慢加入己篩麵粉, 酵母,雲呢拿香油, 汽水(加汽水唔知係咪等的粉漿有多的空氣, 蒸起可以鬆軟的) . 拌勻後再加入敲碎了的椰子糖. 將一湯匙粉漿放入已掃油小杯, 再在每杯上面加上小滴班蘭及玫瑰香油(掃開), 用大火蒸十五分鐘就可以.

整好從小杯攞出嚟就係咁啦

有的升得高的, 有的低的

撇開入面有好多小孔

 而一點點啡色嘅就係椰子糖. 不過上手個小蛋糕有的重, 唔覺好鬆.

食落去呢, 有的似我地嘅鬆糕. 可能我食時已經凍咗, 的蛋糕皮面有的韌, 入面都係有的實.  味道小小甜.  好好味唔係, 唔好味咩又唔係.   不過我覺得焗蛋糕比蒸蛋糕香的.

斷食三天 - 2011 4th

2011年8月6日下午2:20公開累積瀏覽 169 0

August 1st - 3rd, 2011, Monday to Wednesday

又開始了我今年第四次嘅斷食.

又係以呢隻紐西蘭蜜糖作為我嘅主食

每天早上出門前飲嘅杞子桂圓玫瑰花蜜糖. 

返到公司就食一湯匙蜜糖做早餐, 午餐又食一湯匙, 如果再肚餓, 再食一湯匙蜜糖當做high tea.  帶咗呢支大約900ml嘅蜜糖, 全天飲用.

晚上一湯匙蜜糖, 再加呢一瓶約450ml 嘅蜜糖水做晚餐

因為第二天要出差, 我帶咗呢支150ml 嘅新彊蜂蜜便攜裝, 方便飲用.  不過呢款蜜糖比較稀, 味道亦無紐西蘭隻蜜糖咁好味.

第四天, 全天繼續食什豆粥, 今次沒有落綠豆, 但落了扁豆, 赤小豆, 紅腰弄, 眉豆, 黃豆再加花生... 其實的粥連鹽都無落, 但斷食後食呢的粥, 真係覺得超好味, 食足一天都唔厭.

今次斷食嘅感覺, 第一天覺得好餓, 第二天要出差好容易便過了, 第三天最後一天雖然肚餓, 但成個人輕鬆愉快, 令我的意志更加堅定....

又順利渡過三天斷食日...祈待月底再來一次....