從來未試過响呢個blog介紹過書, 呢本唔介紹唔得, 因為係Mr. Kua寫架.
呢本書Mr. Kua大概寫咗年幾, 做最後較對時都做咗好耐....真係十分配服.
Mr. Kua, 多謝哂...we are proud of you....
2011年7月28日 星期四
Scouting in Hong Kong 1910-2010
豆豉蚵
星期五食台灣菜時, 一見嗰碟豆豉蚵我就想試吓整, 覺得應該好易. 買餸時見到有珍珠蠔, 咁唔好遲啦, 話整就整啦.
如果Ruby唔係將我的蠔焯熟哂, 應該會好的啩. 的蔥唔好爆, 應該最後先加就會翠綠, 睇落靚的.
哈哈, 試煮係咁上下啦.
2011年7月26日 星期二
炸菜肉碎豆腐花
記得細個嗰時, 媽媽偶爾會買的豆腐花返嚟比我地撈飯(無落糖水嗰的), 當時覺得好好味.
的炸菜肉碎都幾好味, 但係的豆花始終仲有的甜味. 不過的鄰居都好捧場, 幫我食哂佢.
其實在街外買的唔甜無糖水嘅豆花用嚟整呢個餸, 用嚟撈飯真係一流. 又或者就咁用蒸豆腐, 我相信都一樣好味.
哈哈, good try攪掂兩盒豆腐花...
2011年7月23日 星期六
蒜片配台灣香腸
July 23, 2011, Saturday
昨天下午响新橋阿元獅食台灣菜, 見到個餐牌有炸台灣香腸, 即刻諗起我雪櫃有貨喎, 趁今晚人多, 整嚟一齊食都好喎, 又可以送酒....
真係估唔到呢碟蒜片配炸台灣香腸咁受歡迎, 呢一碟係用咗一個蒜頭, 四條香腸. 點知眨眼間就食哂, 即刻recall, 再整一個蒜頭再炸四條香腸...點知又食哂... 最後再整多一次一個蒜頭, 而香腸剩下六條, 一次過炸埋....
勁呀! 總共整咗三個蒜頭嘅蒜片, 加十四條(一pack)台灣香腸, 全部攪掂哂...
2011年7月18日 星期一
斷食三天 - 2011 3rd
2011年7月18日下午1:56累積瀏覽 115 0
去完澳門食咗咁多好野, 我立即開始今年第三次嘅斷食三天.
今次用咗呢隻紐西蘭出品嘅花蜜, 作為我三餐嘅主食
呢款蜜糖, 又係上次永安大減價時貫嘅, 一瓶有1.4kg
另外呢隻no brand嘅蜜糖, 係八號部屋送比我嘅. 佢話係朋友喺東莞唔知邊個蜜蜂場嘅蜜糖. 哈哈, 用兩種唔同嘅蜂蜜, 都有兩種唔同嘅口味吖.
早上用杞子, 圓肉, 瑰瑰花浸暖水, 用呢的水嚟沖蜂蜜.
在家裡先沖一杯嚟飲
然後再沖一瓶一公升, 帶返公司, 肚餓時飲. 晚上回家就再加暖水再沖半樽嚟飲.
第一天, 覺得頗攰, 外面落雨, 公司的冷氣特別凍, 唯有多飲熱開水, 再加我那瓶蜜糖水, 好快又過一天
第二天, 覺得好肚餓, 非常頻密, 外面都係落雨, 好凍要著冷衫. 後來發覺, 帶了的蜜糖水唔記得飲, 到差唔多放工先記得. 即刻飲補返. 又過了一天
第三天, 好了很多, 久不久飲蜜糖水, 唔覺好餓. 但office真係好凍, 真係冷衫不離身. 這天是最容易過
第四天, 復食日. 今次又煲了什豆粥, 早上吃了一隻蕉, 加大半杯什豆粥做早餐. 午餐都係一杯什豆粥. 晚餐我都唔想食其他野, 都係什豆粥. 無食三日野, 覺得的粥真係好好味.
眨吓眼又過咗三天斷食期....祈等下一次....
2011年7月15日 星期五
Macau Trip - La Bonne Heure 良晨法國餐廳
地址近新馬路板樟堂巷12號AB, 即係响麥當勞隔離行上去嗰條巷.
入到去覺得幾優雅及頗有情調, 室內燈光比較間, 所以影的相都唔係咁好
呢兩張係Menu cover
已經盡量嘗試影的menu睇吓有咩食, 但實在太暗. 用閃光燈又太光. 最後呢個Today's Special, 就要用閃火燈先影到.
我同型爸都無叫湯, 其實我個肚都仲係唔餓, 叫個湯食埋麵包, 其他野就食唔落啦.
而主菜我地就揀咗Today's Special
哈哈, 下次嚟澳門又好唔得閒, 又要食葡國菜, 又要食法國菜, 仲要去六記...kakakaka, 全部都係食食食.
食完飯都差唔多九點幾十點, 我地要返酒店攞行理出碼頭啦... 點知去到的士站, 又係排長龍, 仲無車添. 無辦法啦, 我地行咗十幾分鍾去The Landmark攞番的行理, 諗著再坐hotel shuttle去碼頭. 點知酒店話shuttle已經停咗啦. 吓! 無理由架, 嗰張coupon明明寫著到晚上10:50分. 酒店話只要我地比hk$40, 可以開hotel limousine送我地去碼頭. 都費事諗, 梗係坐啦, 等的士都唔知要等幾耐.去到碼頭, 本來想standby 10:15pm 同10:30pm, 點知全部full, 嘩! 原本真係咁多人嚟咗澳門. 最後我地上咗10:45pm船....返屋企啦...
今次呢個trip, 都無買咩野手信, 本來諗著買豬仔包同橄欖, 都無去supermarket. 不過唔緊要, 大公子話遲的佢再去, 會幫我買.
今次嘅收獲只有:
咀香園鮑魚酥(用中旅送嗰張coupon 換嘅)
今次行程完滿結束, 我地都好開心.....不過下午行到又熱又攰, 晚上返到屋企已經食零晨十二點幾... 好攰呀!
訂閱：
文章 (Atom)