炸菜肉碎豆腐花

2011年7月26日下午2:23公開累積瀏覽 168 3

July 23, 2011, Saturday

 

哈哈, 今日攪攪鬼, 煮豆腐花, 不過係用嚟整餸, 唔係整甜品.

上次叫型爸幫我去超市買豆腐, 不過佢無睇清楚, 買咗兩包豆腐花返嚟.  但我又唔想食呢的豆腐花, 今日將錯就錯, 用嚟煮餸睇吓得唔得.
記得細個嗰時, 媽媽偶爾會買的豆腐花返嚟比我地撈飯(無落糖水嗰的), 當時覺得好好味.

我將的豆腐花倒哂的糖水, 再用清水略浸(希望去哂的甜味.  豆花好腍身, 好易爛, 不過無所謂.   然後放入蒸爐蒸十分鍾

用一包即食炸菜, 取出略洗

將炸菜切幼粒

豬肉剁成免治, 調味

用蒜頭起鑊, 將豬肉炒熟

我覺得的顏色唔靚, 加的老抽胡椒粉調味, 試味ok就可以啦

將的炸菜肉碎加上蒸好的豆花上

咁就ok啦. 如果喺上面加的紅椒蔥花, 就會靚好多, 但太忙無預備啦.

的炸菜肉碎都幾好味, 但係的豆花始終仲有的甜味.  不過的鄰居都好捧場, 幫我食哂佢.

其實在街外買的唔甜無糖水嘅豆花用嚟整呢個餸, 用嚟撈飯真係一流.  又或者就咁用蒸豆腐, 我相信都一樣好味.

哈哈, good try攪掂兩盒豆腐花...