今日本來要上瑜珈堂, 但經她們邀請, 請假一晚, join 鄰居嘅lady's night.
本來諗著可以準時放工, 結果要加班, 稍晚才可到八號屋家. 去到時, 好們已經開始.
今晚並無相約太多人, 只有五位, 陶媽食了飯才過來, 實則只有四位用餐, 所以唔需要預備太多食物, 我仲可以免疫唔使煮.
睇吓呢碟係咩? 本來我以為係炸麵, 點知原本係魚乾. 八號部屋將的魚乾放咗落多士爐烘, 香脆可口, 送酒一流
八號部屋整嘅沙薑雞翼, 當然唔止一隻, 我遲嚟, 佢地放喺鍋入面煲暖, 但都唔食得幾多, 每人一隻起兩隻止
林太在陳六記買嘅燒肉, 真係有五層嘅五花腩, 雖然我遲到, 但的皮仲係好脆, 味道唔錯. 嘩! 好大盒, 幾個人點食得哂
林太另外再炒一碟什菜, 好, 碟, 又好味
Mrs Kua帶來嘅有機餅乾, 用嚟送酒, 又係好正.
睇吓我地幾有情調, 點哂蠟燭食dinner
今晚唔係太多款式嘅餸, 但對我地幾位女士嚟講, 十分夠啦.... 但酒就開咗幾枝...
八號部屋女主人同Mrs Kua都係飲得之人, 而我同林太, 都只係飲少少, 高興吓嗰的.
第一枝飲香檳
第二枝係八號部屋從北京帶回來嘅韓國sake
比個close up 睇吓, 側面有中文字嘅
背面有全中文, 呢枝譯做慶州法酒, 味道好香, 韓式清酒. 本來八號部屋預備昨天攞呢枝酒去食韓式燒烤, 但係只得一枝, 驚唔夠飲, 索性留番我地今日lady's night飲啦.
第三枝係我上次買嗰支韓國白酒, 都攞埋嚟一齊飲. Mrss Kua 話, Soju係用薯仔做架. 而Sake就係用米做嘅.
睇返樽後面嘅成份, 又真係用薯仔整喎
餐後就沖高山茶嚟飲
而餐後嘅甜品, 就係呢隻Turkish Delight, 平時的Turkish Delight 都好甜, 呢隻算唔甜, 送茶都幾好.
傾到十一點幾我要走啦, 明天仲要返工呀! 真係好, 飲咗酒都唔使call的士, 行兩步就返到屋企. Wing吓wing吓, 今晚一定好瞓.
我地研究一個月最好攪兩次Lady's night, 平時佢地一個星期一次Lady's lunch, 不過我要返工, 無得參加. 而家一個月攪兩次Lady's night, 我一定贊成啦.
沒有留言:
張貼留言