昨天晚上返嚟, 見到Ruby用個搥盅响道搥花生, 我去睇吓佢攪咩鬼啦... 見到佢有好多野預備响到, 我問佢整咩, 佢一陣話Sambal Kacang, 一陣又話Gardo Gardo, 原來都係差唔多嘅野, 意思係花生碎整嘅辣醬.
有辣椒, 蒜頭, 印尼薑(唔知係咩野薑呢, 又唔係南薑)
仲有花生同椰子糖
佢跟著再show一大包花生出嚟...太太, 快的試吓啦, 呢的係印尼花生, 細細粒好香架, 我朋友係印尼帶返嚟比我. 食咗一粒, 係幾香喎.
佢再show多的印尼薑比我睇, 但我無理由切的出嚟咬架. Ruby話佢問隔離屋攞咗的檸檬葉加落去.
將的花生, 放落個搥盅搗碎
用個膠盒盛著
佢話一陣仲要加椰子糖
見佢將的辣椒(佢再加的青椒), 蔥頭, 蒜頭用平底鑊略炒. (呢的紅尖椒同青尖椒都係自家種架, 整吓整吓, 全部食哂, 又要等下一次收成)
跟著佢繼續搥搥搥, 我同佢講晚上好應聲, 咁夜唔好搥啦, 明天先整啦.
今日晚返嚟到嚟, 開好飯之後, 佢就攞咗呢個製成品出嚟
就係咁架啦... Ruby話只要將所有材料加入搥盅搥碎搗碎撈勻就得架啦. 我覺得好似壓得好實咁, 但味道好香. 有的可惜, 如果佢整嗰時我可以全程睇著, 咁就會清晰的個過程.
我問佢點食呀, 佢做一次比我睇...
取一湯匙放落個碗道
加少許凍滾水(大約一茶匙多的)
將的水同花生醬撈勻, 變咗稀少少(其實都仲係"杰"架), 咁就得啦...我覺得好似串燒satay醬咁.
佢話呢個用嚟送飯, 或者加落的白烚菜到, 好好味架.
佢今日炒咗蒜蓉通菜(好少可喎, 佢通常都係馬拉盞辣炒通菜, 今日的菜好似清炒咁), 我攞咗的通菜, 加咗的上去.
撈勻放入口食, 又真係幾香幾好味喎, 不過佢加咗咁多辣椒, 都幾辣架.
淨低嗰的, 我將佢撈咗少少落的飯到, 都ok好味喎.
呢的都算係印尼特色食品, Ruby嘅自家醬, 都要多謝Ruby整出嚟比我試吓...
沒有留言:
張貼留言