Kakakaka, 未開始寫就先笑, 因為好開心, 今晚我地約咗林老闆一家, Mrs Kau, 陶媽, 八號部屋女主人, 一齊去食韓國菜. 林老闆嘅大公子又係放暑假返嚟, 不過時間過得好快, 暑假又過了一半, 林老闆話請大公子食飯, 我地又搵的藉口出嚟聚一聚.
今次唔去新羅寶, 型爸訂咗呢間豐園韓國料理
响金巴利道75號
門口都好舊, 呢個燈箱都好舊
門外貼咗兩篇雜誌介紹, 壹週刊介紹過
約咗七點, 我地一家同Mrs Kua就準時, 我地放工嚟呢道就比較方便. 林老闆要開車返去接林太, 小b, 陶媽加八號屋女主人, 所以遲咗的.
趁呢個時間我地就睇吓餐牌有咩好食.
睇咗好耐, 型爸已經有主意, 但係都唔叫著, 等佢地到先. 我地就先叫一碟煎蔥餅食著先, 再叫佢地上埋八小碟, 咁就邊食邊等啦. 一開始, 仲著食, 一的都唔記得影相
佢地卒之到啦, 林小b响呢道見到我地, 佢超開心.
跟普型爸發辦, 叫咗兩個四人餐, 再加一個二人辣海鮮鍋, 再加一個辣牛腸鍋...我地十個人, 加埋小b都係十一個... 嘩! 好多喎....型爸話咁多後生仔, 一定食得哂...
基本每人餐碟
一路食都唔得影相, 食食吓食醒起
我地十一個人, 要分開兩張檯, 三個年輕人就坐隔一個位嘅細檯, 跟著型爸林老闆我地五位女士加小b就坐張八位檯.
呢個燉牛骨係四人餐有嘅, 有兩客, 差唔多食哂先記得影
豐園炒粉絲又係有兩碟, 都係食哂先開始影相
個餐包咗雞肉一碟, 牛肋骨一碟, 但我地唔夠食, 再加一碟雞肉
再加一碟牛肋骨
呢的都係食第二round時先記得影
呢的生菜, 係用嚟包著的烤肉, 加的青瓜蒜片, 再加韓式辣醬一齊食, 好味
食完兩個燒烤四人餐, 最後先上兩個鍋
辣海鮮鍋
辣牛腸鍋...
今日真係超夠.......
我地問咗呢道要收開餅費, 本來一瓶要收hk$100, 我地傾到hk$100開幾多瓶都得. 八號部屋女主人, 帶咗一支白酒, 兩枝紅酒... 全部飲哂....
kakakaka, 不過型爸同林老闆無得飲呀! 佢地要開車. 佢地飲咗兩啖白酒
跟著只可以飲少少啤酒...
今餐都算抵食啦, 我地十個人, 仲叫咗咁多野. 我地後加嘅雞肉同牛肋骨都好似收咗hk$118咋.
如果呢餐喺新羅寶食, 貴到飛起, 淨係加嗰份牛助骨都可能要五佰蚊.
今日呢餐我地食得好開心.
沒有留言:
張貼留言