Macau Trip - 新葡京, 官也街, Galaxy, Pacific coffee

2011年7月15日下午3:13公開累積瀏覽 874 1

July 9, 2011, Saturday, Macau Trip

 

瑪嘉烈買完葡撻, 我地又要諗去邊.

 呢道就近新葡京, 我地順便入去行吓.  嘩! 超多人, 呢道好似博物館咁, 好多人响到影相.

呢個好似係十二生肖之首其中一個.

超大粒鑽石, 仲係完美無瑕, 有哂証書

另一邊又係勁大粒綠寶石.

一路行入去仲有好多名貴擺設, 古董,  我諗呢的係何生珍藏啩  不過仲有好多都無影.

行咗一個round, 都睇唒, 無咩野做, 不如去官也街晃記買肉切酥啦.

我地就由葡京坐shuttle bus去碼頭, 再由碼頭坐shuttle bus去Galaxy, Galaxy又坐shuttle bus去官也街..點解咁轉接, 因為假期, 成個澳門都好多人, 好難叫的士, 我地五個人, 仲要坐兩部的士.   坐酒店嘅shuttle, 已經係最快最好又免費.
去到官也街晃記, 老闆又話的肉切酥已經賣哂...吓! 唔係阿麻, 今日轉登走入嚟又買唔到, 不過都無法架.  暫時同呢個肉切酥無緣.
型爸話昨日我無食到榴槤雪糕, 佢今日又叫我食.  型爸真好, 佢同兩個仔都唔食榴槤, 但知我鍾意食, 每次都要買比我食.   入到嚟, 食杯雪糕都好啦, 唔通空手走返出去咩.

就係呢杯雪糕啦, 味道唔錯, 但超細杯, hk$15..無法啦, 遊客區.

食完雪糕無野做, 又坐Galaxy嘅shuttle, 由官也街出返去Galaxy.

去到Galaxy, 一入門口, 晚上個水晶區開了燈, 靚咗好多, 影番張先

差唔多晚上六點, 鑽石區又有燈光show, 都幾靚.

行到我地都唔想行, 就去Pacific Coffee 坐低

當我影牆上的相時, 二公子好攪鬼咁比個V我.

大公子又叫一杯Ice Mocha, 型爸叫咗個石榴汁...我就唔飲啦, 頭先啱啱先食完雪糕.

我六點半開始已經開始叫佢地走, 點知佢地一路顧著上wi-fi 玩手機, 攪到差唔多七點先去坐shuttle.  我地要去新馬路.  點知去到shuttle站, 好多人排隊.  一架shuttle只可坐24人, 我地要坐第二架, 要等30分鍾, 咁唔等啦...即刻轉坐shuttle去碼頭, 去到碼頭, 想坐的士都要等好耐, 我地唯有响碼頭坐shuttle去葡京啦.

去到葡京, 想坐的士一樣咁難, 我地唯有行過去新馬路, 都係十幾分鐘啫... 晚上本來訂咗七點半食飯, 結果要打電話去改八點...哈哈! 成日都他他條條, 到晚餐先至嚟趕.
而家响澳門, 真係好難坐車, 的士站永遠排長龍, 如果要去澳門熱點, 都真係坐酒店車最方便

Galaxy開咗之後, 多咗呢的銀河快線, 真係好方便.  不過要坐車都記著要預早少少.  仲要數一數人數, 一架shuttle最多坐24人.  除咗去碼頭的車比較密的, 其他線都可能要等耐的, 但有時我見到的車坐滿即開.