2011年7月18日 星期一

斷食三天 - 2011 3rd


2011年7月18日下午1:56公開累積瀏覽 115 0                    

 
去完澳門食咗咁多好野, 我立即開始今年第三次嘅斷食三天.
今次用咗呢隻紐西蘭出品嘅花蜜, 作為我三餐嘅主食
 
呢款蜜糖, 又係上次永安大減價時貫嘅, 一瓶有1.4kg
 

另外呢隻no brand嘅蜜糖, 係八號部屋送比我嘅.  佢話係朋友喺東莞唔知邊個蜜蜂場嘅蜜糖.   哈哈, 用兩種唔同嘅蜂蜜, 都有兩種唔同嘅口味吖.
早上用杞子, 圓肉, 瑰瑰花浸暖水, 用呢的水嚟沖蜂蜜.
 
在家裡先沖一杯嚟飲

然後再沖一瓶一公升, 帶返公司, 肚餓時飲.   晚上回家就再加暖水再沖半樽嚟飲.
 
第一天, 覺得頗攰, 外面落雨, 公司的冷氣特別凍, 唯有多飲熱開水, 再加我那瓶蜜糖水, 好快又過一天
 
第二天, 覺得好肚餓, 非常頻密, 外面都係落雨, 好凍要著冷衫.  後來發覺, 帶了的蜜糖水唔記得飲, 到差唔多放工先記得.   即刻飲補返.  又過了一天
 
第三天, 好了很多, 久不久飲蜜糖水, 唔覺好餓.  但office真係好凍, 真係冷衫不離身.  這天是最容易過
第四天, 復食日.  今次又煲了什豆粥,  早上吃了一隻蕉, 加大半杯什豆粥做早餐.  午餐都係一杯什豆粥.  晚餐我都唔想食其他野, 都係什豆粥.  無食三日野, 覺得的粥真係好好味.

眨吓眼又過咗三天斷食期....祈等下一次....

沒有留言:

張貼留言