尖東半島中心, 德興集團嘅聚德軒酒家, 本來想去德興打邊爐, 點知又話限食個半鐘, 超時又要加錢. 咁麻煩不如食小菜啦, 又唔限時, 又唔會趕我地走. 所以我地就去咗聚德軒食小菜. 以前都有嚟過呢道, 的小菜都做得唔錯.
我地四個人, 叫咗四餸一湯....
呢個係湯渣, 好大碟喎, 螺頭豬肚霸王花煲瘦肉, 切定四嚿螺頭放上面喎
而的湯就用呢個好大嘅壺裝著, 每人都有呢個碗仔三碗喎, 好夠飲, hk$78...抵
叫咗個孖寶, 半隻貴妃雞
本來半隻貴妃雞加條黃立鯧, 點知話魚賣哂, 唯有要白焯蝦代替, 孖寶hk$98, 如果要魚就hk$108...抵
海皇豆腐煲, 呢味味道都唔錯喎, 好似hk$78
薑汁芥蘭又唔錯喎.
呢四餸一湯, 我地都好夠食.
其實呢道的餸都整得唔錯, 不過我地遇著個鍾意搭訕嘅伙計, 就唔係好like嘞.
埋單hk$420, 都好抵食, 我地食足三個鍾呀!
臨走見到有一個套餐大特價, 好抵食喎, 星期一至四hk$1,466全包, 半圍都只係hk733... 想食好的仲可以升級, 唔怪得之見到咁多隔離檯食套餐啦, 真係可以考慮叫多的人一齊食喎.
沒有留言:
張貼留言