2015年7月10日 星期五

鮑魚竹絲雞湯餞行宴

July 1, 2015, Wednesday

行完山返嚟食完野休息一陣,又要諗吓今晚食咩。 煲個靚湯都好喎。  

咦!林太明天飛去英國參加大兒子畢業典禮,今晚叫埋佢地一齊食飯都好喎。個腦都未諗完,林老闆就打比型爸,問我地今晚食咩,咁型爸就話我地煲鮑魚湯,哈哈,林老闆話咁一定過嚟啦,佢負責斬半隻燒鵝。

今次煲湯有竹絲雞,鮑魚,瘦肉,仲有西非螺頭

 
再加的蟲草花

 
今次唔係燉湯,只係用呢個萬能煲,因為夠快呀!

 
林老闆斬咗半隻燒鵝

 
一盒滷水什錦送酒

 
林太炆了花生豬尾

 
我炒了一碟菜心苗

 
整咗麻醬手撕雞

 
咁當然仲有我煲鮑魚竹絲雞湯啦。 上次燉湯無落蟲草花,的湯無咁深色,一落蟲草花就係咁嘅色,的湯好清甜呀!
隻鮑魚同的螺頭就切片

林老闆本來話就咁切片醮辣豉油食就得啦, 但邊好味架,佢地食咗一兩片次後,我馬上拎去用XO醬加豉油豆粉糖整個醬汁, 當堂好好味啦。

大家又高高興興食一餐。 下次又要三個星期後先見面啦。

最興奮係林小弟, 佢好開心話明天搭飛機出發,好快見到哥哥姊姊啦。林生要遲一個星期先出發,呢個星期林太唔喺道,叫佢多的過嚟食飯啦。

沒有留言:

張貼留言