星期日, 又係我地行山樂的日子. 但今天少了幾位組員.
組長夫婦身在英國參加女兒的畢業典禮, 副組長今晚突然通知隻腳突然無名腫痛, 夫痛婦隨兩個又唔嚟, 另外一對組員工人姐姐放假, 要留一個在家看管小朋友....
哈哈, 不過總有生力軍加入, 組員由太太出席, 佢再叫埋佢爸爸補上, 而我家二公子又話陪我地行山(真乖仔呀!), 我地一行五人出發呀!
上星期日我同要爸去了旅行, 組長夫婦又去了英國, 行山組抖暑一星期. 其中一對組員帶小朋友去農場鮮奶餵羊仔時, 發現了另一條行山徑 (哈哈, 我同型爸嚟過農場鮮奶咁多次, 都無留意), 今日我地決定行呢條新發現的林徑.
先睇吓地圖, 我地行紅點的地方, 甲龍林徑. 上網搜集過資料, 另外仲有一條甲龍古道, 但未行過唔知會唔會連埋一起, 亦都唔知可唔可以行回現在的起點. 我地打算由甲龍林徑行到荃錦坳, 再行去川龍. 到時再坐車返起點.
組員的爸爸好勁, 差不多七十高齡, 行得快過我好多呀! (真羞愧!!)
我地繼續行,見到的幾特別植第, 哈, 有的似奇異果呀!
跟著都係向山上行, 但的路無咁斜, 比較易行.
行咗大約一小時, 卒之見有路牌...哦, 原來呢道有條越野單車勁, 唔怪得之有咁多人騎單車. 但我們剛剛行的那條徑並不是越野單廾徑, 相信那些人貪刺激騎落那條林徑.
看看地圖, 已經行咗三份二
有幾個騎單車者經過, 我們要貼著山讓他們先過. 跟著再前面的見到我們要停下來, 當他們貼著山, 我們要行斜坡那邊越過他們都有的驚呀. 的路凹凸不平, 騎著單車被石/樹根跘倒跌落山坡點算, 如果我知道自已的仔女嚟呢道騎越野單車真係擔心死. 二公子見到都話危險, 佢話佢唔會令我擔心.
我地由甲龍林徑行上嚟, 大約用了1.5小時, 而由甲龍古道落去, 大約需要1小時. 好野, 唔使行回頭路, 又可以行埋甲龍古道. 上網資料搜集, 甲龍林徑係由政府開發出嚟, 但甲龍古道係古時的村民用石慢慢鋪出來. 他們以前就是靠這條路出荃灣.
我地叫佢都唔理會, 咁我地有我地行古道啦.
呢休古道好斜, 的可路亦都好難行, 可面長濫滿青苔, 踏上去時都驚會滑倒, 要慢慢行.
行了大半個鐘, 去到第一個山澗, 休息吓, 的水好消涼.
呢道連續幾個水澗, 相信好快到山下
哈哈, 今日我地幾個人探路成功, 下次再同組長及副組長一齊行啦.
呢道附近唯一一個公廁, 入去幫襯吓, 都好乾淨
呢道無其他架啦...呀, 仲有餐肉蛋或腸仔公仔麵都有嘅.
的燉鮮奶好滑呀...不過食完真係好飽...飲咗咁多奶.
呢道好巴敝架, 只有假期先開, 不設開水, 不可以提供多一件餐具. 自助, 先付款買野, 麵煮好拎嚟.
不過的價錢就加哂價. 大盒奶(1 公升) HK$29, 細盒(500ml) HK$15. 所有麵類HK$26 (以前HK$22), 燒賣HK$12/8粒(以前HK$10/8粒), 燉奶/薑汁奶HK$18(以前HK$16)
政府以優惠價錢出租的地方比佢地做生意, 咁我地的遊人先有得食囉.
今日行咗兩個幾鐘 (上山1.5小時, 落山1小時)都唔好話唔攰呀, 返到屋企休息一下, 我地又出動.
行完山最好做咩野? 哈哈, 梗係去按摩啦. 難得二公子今日放假, 一齊行完山, 跟著一齊去按摩, 好happy呀!
沒有留言:
張貼留言