人生有幾多個十年? 人生又有幾多個三十年? 兩人雙依雙伴攜手共渡三十年, 真的很不容易.
今天是我跟型爸結婚三十年的紀念. 覺得自己很幸運, 今生遇到型爸. 這麼多年來, 從來都沒有跟型爸真正的吵過架. 我們當然有不咬絃的時間, 但只會說一兩句便停口, 不會吵吵鬧鬧. 我不開心便會不出聲不理他, 型爸總會來氹我, 三兩天氣便消, 所以不會吵架. 出口會傷人, 我們並不想傷害心愛的人.
珍珠婚的日子, 請了一天假, 要跟型爸輕輕鬆鬆的渡過. 無特定節目(按摩除外), 只是周圍走走, 我們還有很多年要一起走下去呀!
買完日本網咭去食的野, 跟著就出發去深圳東門, 型爸話幾年無去過, 想睇吓變成點. 無目的周圍逛了一兩個小時, 買咗的濕碎野, 跟著坐地鐵去福田按摩. 按摩係我地嘅共同嗜好, 每個星期一次就最好.
晚餐就返香港食, 約了二公子同佢女朋友.
睇吓餐牌, 的價錢屬中等, 唔會好貴
但生蠔就比我地平時响尖沙咀食開嘅貴的. 不過今晚無打算食生蠔, 星期五出發去旅行, 都係唔好食的生野安全的. (去日本好多機會食生野食啦).
我地要了兩個扒餐, 一個pizza, 一個焗飯.
好彩無叫每人一個餐, 我地都食唔哂呀!
輕鬆愉快的跟型爸過了一天, 希望我們能攜手共渡另一個三十年.
沒有留言:
張貼留言