2015年7月26日 星期日

忌廉蘑菇湯辣腸長通粉

July 16, 2015, Saturday

 放完假返咗工兩日, 個人都仲係懶洋洋好似未攰完咁.  雖然係星期六, 邊道都唔想去呀.

Cindy問我下午lunch想食的咩, 哈哈, 我都講唔出想食的咩, 都係要打開廚櫃睇吓有的咩.


見到有包長通粉,  就煮長通粉啦....不過我唔想煮呀, 叫Cindy煮啦.

我同佢講用蘑菇湯做醬汁, 加辣腸啦.

唔知係咪我講得唔清楚家係Cindy無諗過用蘑菇湯嚟做醬汁...

我諗著用碟上加麻, 點知佢都係煮平時煮通粉咁煮.   哈哈, 無所謂啦, 都係咁食啫, 鬼叫自己懶咩.

咁加杯蘆薈小麥草

食時加多的胡椒粉, 都好好味嘅.

哈哈, 食緊嗰時又有好消息, 陶媽今晚約咗的家長家中BBQ, 邀請埋我地去....好野, 又唔使諗今晚食咩.

 
我咩都無做呀, 淨係帶咗幾枝自家製的梅酒去.

 
今日燒烤嘅野都唔影啦, 都係嗰的, 最開心係陶媽買的沙律菜, 食肉之前食的菜先.

最激係有鵝肝食呀!  不過唔係燒係我煎架.  其中一個家長買嚟, 但陶媽話叫我煎比較好的喎.

跟著仲有甜品...係雪糕咖啡
 
其中一個家長話今日食雪糕加咗的咖啡落去好好味,  咁陶爸即刻去沖的咖啡, 我地加的雪糕落去試吓.   

原來加士多啤梨味麻麻地, 但加雲呢拿就幾好味.

大家嘻嘻哈哈又過咗一個開心的晚上....

今日我全天唔使做, 的野食都係型爸燒比我食....開心呀!


沒有留言:

張貼留言