2015年7月2日 星期四

百樂門宴會廳 - 尖東南洋中心

Jun 25, 2015, Thursday

天有不測之風雲呢句說話套用响今日就真係啱嘞.

今日約咗Akiramay 食宴 , 兩個人, 本來打算去彩晶軒飲茶.  咁我由華懋廣場行去南洋中心搵佢都係隔一條街啫.  都唔使兩分鍾, 我行過去時好好天架, 點知入到南洋中心見到佢再一齊行去氾港晶中心, 突然落好大雨, 的雨大到係雨傘都無用.

Akiramay 話咁唔好行啦, 就樓下飲茶就算啦.

 
樓下, 就係百樂門宴會廳啦.  去到唔使等, 即刻有位呀!

 
拎起張點心紙睇吓, 咦, 有組合套餐, 又好, 唔使點諗, 就要雙連環, 四個點心加一款粉麵飯.

要了魚腐魚湯米線, 好大鍋, 兩個人淨係食呢鍋都夠啦.

 
要了潮州炒粿

 
义燒包同腸粉


本來甜品要流沙包, 嘩唔掂, 已經叫咗义燒包, 即刻叫經理幫忙改成椰汁蓮糕.   經理話如果流沙包送到嚟, 叫退咗去就得.

點知送點心嚟位阿姐, 都點咗啦, 退咩鬼, 套餐, 送到嚟食埋佢.

哼, 我真係唔會食埋佢, 放响檯邊叫經理嚟處理.  第一見到都食唔落,兩個人點食咁多包.  第二,好可能到時收我錢咪死, 仲要撐爆個胃....no no no no.

哈哈, 最後經理來到, 幫我拎走佢, 不過又要幫我地追腸粉.   結果都係食唔哂, 要pack走一個包一年粉粿.

套餐HK$128, 但埋單加一連茶錢酸菜就變成HK$169...每人HK$85.  呢個餐三個人食就差唔多. 


沒有留言:

張貼留言