鳳雛

July 28, 2017, Friday

型爸打電話嚟今晚出去食飯好唔好呀?   老公約食飯梗係話好啦.

車泊係旺角(三十幾文一個鐘真係好貴), 行一陣街先.

型爸話唔訂位, 我地去726 Nathan Road, 成棟都係食肆, 我地去到就搵一間啦.  上次聽姪女講呢道有間韓國料理好地道, 咁我地就食韓國料理啦.

睇一睇電梯按樓, 有三間韓國料理

先上23樓, 原來食韓式燒肉放題唔想食放題....唔啱呀!

跟著諗著落1樓食紫菜包飯, 哈哈, 一大開電梯, 已經關門大吉....咁無法啦, 去10樓另外一間

呢間叫鳳雛, 响韓國都食過, 主要係食雞.   問吓侍應, 原來仲係soft opening.

入到去見仲有位, 但侍應話全部已經訂哂, 我地要等一陣, 剛有人埋單.

呢道主要係食雞, 咁點都要試吓呢道嘅燉雞啦....

侍應拿來一個桐, 上面有食具, 而個桐要嚟放骨

前菜, 吓, 無泡菜嘅?  只有茄子, 蕃薯, 青瓜

响Facebook 比個like, 免一礶汽水, 我要了雪碧.   型爸要了Hoegaarden, 啤酒就要比錢

要咗一份辣豬肉, 送到嚟呆一呆, 餐牌上好細份, 原來都幾大份.

的生菜用嚟包豬肉食.

最怪係生菜底有的薯蓉

仲有四粒飯(有乒乓球), 呢個份量肯定夠一人飯量

要了芝士燉雞.   應該大約有半隻雞啩, 大大塊嗰的係著仔嚟架.

我地追加了一份飯焦, HK$50.   真係搵笨, 只係將一碗飯煎成餅, 咁就HK$50.  的飯硬, 但唔脆, 加咗落的燉雞, 都係唔好食.   我諗加白飯仲好的.

呢三樣加埋已經好飽, 薯仔飯焦都食唔哂.

埋單HK$378, 唔使加一.

咩價錢都好, 唔係好啱口味.  燉雞的肉嚡烚烚, 比起我地港式雞煲係無得比呀!  食完仲鬼死咁口渴.

開車返屋企....仲有野要做呀!

今日頭條.....哼哼哼哼....梗係要試吓!

哈哈, 一口氣買咗四個....唔好誤會唔係食燒夜, 係買定明天做早餐.

每人一個, 預埋Cindy

四層芝士, 雙層牛肉

加杯咖啡, 就係我地星期六早餐.