緬甸煎豆腐

August 2, 2017, Wednesday

 今日Cindy又整咗個新餸呀!

 就係呢碟緬甸煎豆腐, 仲配咗個羅望子汁.   睇落都又煎得幾靚喎.

咁就即刻咬一啖試吓啦....咬落唔似我地的豆腐, 感覺有的粉粉地.   咁我問佢點整啦.

佢話係用呢款鷹咀豆粉做架.   要加水開勻煮熟待涼, 切好一片片再煎, 佢話响緬甸叫呢的做豆腐. 

呢款豆腐其實有豆味, 但當然無我地中國豆腐整得咁滑啦!   雖然同我地平時食嘅口味不同, 但都要比個like佢啦.  最要肯定佢嘅肯試肯做.

 今餐仲有蕃茄煮蛋

 炒菜心

 椒鹽豬扒

加埋個鹹菜胡椒排骨湯就四餸一湯.   但型爸出差了, 我同二公子食唔哂呀!