Wings Kitchen

July 28, 2017, Friday

今日同麻煩鬼兩個吃午飯, 諗著去川婆婆食辣, 行到去寶勒巷轉角處突然停低.   睇緊另一間餐廳門口嘅menu

原來係Wing's Kitchen.   我地好耐無幫襯啦....都唔記得係咩野原因.

我問麻煩鬼係咪要改變主意食呢間, 佢話又好啦.

lunch menu 差不多, 但就加多一個午市特惠午餐, 只有主菜及飲品, 要湯及麵包就加HK$10

要了香辣海鮮天使麵, 拎到嚟上面只係的蝦仁, 的麵少得可憐.  我用义攞起一轉麵已經所剩無幾, 同麻煩鬼share 嚟食.   我幾肯定呢碟不論男女都唔夠食.  不過味道又幾好.

好彩另外要了龍利柳焗飯, 同麻煩鬼每人一半, 咁食咗的飯就夠啦.   但呢碟焗飯就無海鮮站整得口咁好味啦.

最後我地兩人都要了咖啡.

埋單無需加一.

呢道的食物不過不失, 相比起Icafe的野好食過佢, 所以少嚟食囉.    

佢地生意麻麻, 地鋪都坐唔滿呀!