釀柚子酒 - 2018

April 23, 2018, Monday

今年除了浸梅酒, 仲要試吓浸柚子酒呀!

其實一年兩次一田大減價, 每次都會買四至六枝柚子酒, 加加埋埋都有十枝八枝.  而每次聚餐如果飲柚子酒, 最少都要兩枝.   嘅然成日都飲, 不如試吓自己浸啦.

自己浸開梅酒, 又再上網搵資料, 睇吓人地點樣浸, 心中有概念, 可以動手.   因為未試過, 唔知份量, 材料都係亂咁買


買咗三個沙田柚, 三個老樹柚, 唔知邊樣好的, 都係試吓咋.

呢幾個老樹東嘅皮乾身深色的, 沙田柚的皮就嫩黃色.  我將沙田柚浸洗乾淨, 用牙擦擦的皮.

一酲5.18Ｌ九江雙蒸

連開沙田柚再拆肉，花咗我三個鐘呀！

拆肉要小心，不要連著柚子肉外白色皮，因為怕有苦澀味。

玻璃瓶洗淨放入焗爐100度焗20分鐘消毒，瓶子待涼後，便可以用。　先放入柚子肉。

至於柚子皮，我用了最省時省力的方法，用檸檬皮刮，只刮到皮唔會刮到白色部份。咁樣做會嘥咗一的皮, 但係咁多係咪都用唔哂.  哈哈, 都唔知係咪最好方法, 但最緊要係快呀！

老樹柚的皮深色的，沙田柚的皮淺色的.  的皮真係好香, 我咬少少試吓, 的皮無苦澀味的!

跟著加入柚子皮，冰糖及酒

 
攪掂啦.   咁都整咗我幾個鐘, 又攪到零晨十二點。

今次浸柚子酒的份量：
       

酒          :九江雙蒸  2,800 ml 

柚子肉 : 1,400 g （用了3-3/4個柚子）

柚子皮:  30 g    

冰糖     : 700 g

今次浸的比例係 2 : 1 : 0.5, 即係兩份酒, 一份柚子肉, 半份糖.   呢個比例我又覺得ok喎.  因為柚子甜, 唔似梅子咁酸, 同酒的比例係0.25.

其實又唔使太緊張, 柚子酒差不多熟成時可以試吓味, 唔夠甜可加糖或蜜糖, 太甜就加酒啦.  至於會唔會有苦澀味, 真係要熟成先知呀!

今次用了3-3/4個柚子, 仲剩低兩個多的.  明天再去買多一個返嚟, 就可以再浸多一酲.  剛用了2,800 Liters, 仲有2.2 Liters 雙蒸酒, 可以用埋佢呀!