炸雞翼 - 美式辣炸雞醬

 April 28, 2018, Saturday

 
平時真係好少整炸雞翼, 通常都只會焗或者煎, 唔想咁熱氣又油膩.   但呢排都會炸吓雞翼, 雞搥, 雞翼尖(無食好多年啦).

事緣組長文咗半包美式辣炸雞醬比我, 咁點都要炸炸炸.

組長給我的比例係, 一公斤雞翼, 炸醬80g, 加30g.   呢道大約半公斤雞翼, 我就用咗40g 炸雞醬, 15g 水.  雞翼洗淨加入的醬料拌勻, 醃兩小時.   唔知係咪的雞翼洗淨, 我無索乾水, 覺我的醬稀咗少少.

我同個小煲, 落好少油, 先炸一面, 再炸另一面

先炸6隻, 再炸另外6 隻.   我習慣炸兩次, 所以第一次炸到咁上下拎起, 最後再一次過放落去炸多一次.

炸好都未及影相, 型爸已經"試食"一隻, 佢話好好味呀!   到二公子食, 佢都話味道好掂呀!

我本身唔鍾意食炸粉, 但呢款炸醬好薄, 感覺上唔覺得食咗好多炸粉, 唔錯呀!

不過下次會試吓唔炸第二次, 因為炸兩次好易燶.  炸一次等的雞翼金黃色就算啦.

組長送咗好多雞翼尖比我 (我平時都唔會食), 等下次有朋友嚟整的滷水雞翼尖做小食.