2019年2月16日 星期六

哥哥家的團年飯

February 3, 2019, Sunday

都唔知攪咩鬼, 寶貝威士忌, 昨晚一食野就嘔, 型爸話的嘔吐物有血, 咁馬上打電話去獸醫診所, 點知附近睇開的唔收症(唔知的醫生係咪放哂假), 最後轉介去元朗Victoria Vet 24 小時寵物醫院.  昨晚十點半去睇,  初步話要照X 光, 睇吓係咪腸敝塞, 問我地比唔比佢留醫, 一係明一早再帶佢嚟.   咁隻狗行得走得咁生猛, 梗係唔留醫啦. 

今天一早送咗Whisky去診所, 本來話12點照, 跟著打去又話唔得閒要兩點照, 跟著三點都未照, 最後下午五點先話照咗, 腸中無異物.   跟著同我地講要唔要再清楚的, 吞粒螢光丸, 咁如果腸入面有其他綿質異物, 都會睇得到.   吓, 究竟咩野醫生嚟架, 如果有呢個方案, 唔係應該一早同我地講, 又或者照X光之前, 一早講埋, 無理由現在先講.   照X光已經要全身麻醉, 吞螢火丸再照X光又要全身麻醉, 點解要隻狗受兩次苦, 一早比佢吞丸照一次清楚的唔係仲好咩....醫德何在?  係咁問我地留唔留醫,  唔留呀!   我地夜的嚟接佢走呀! 

今早騰來騰去,  下午包完素鵝, 跟著接媽媽去哥哥家團年...

好珍惜今晚的團年飯, 五哥五嫂剛從外地回來(跑完馬拉松), 溫哥華的大哥大嫂嫂也回來了, 多倫多的三姊三姊夫也回來了.   去接媽媽的時候, 媽媽竟然一口叫出我的英文名字, 還認得型爸, 真的太開心.

五哥五嫂為我們張羅的晚餐

花腸海參炆冬菰

白切新鮮雞...哈哈, 我地幾兄弟姊妹爭著食雞肝雞腎雞腸呀!  兒時一樣, 大家都哈哈笑.

蘿蔔炆牛腩, 嫂嫂加了牛薑一齊炆

節瓜瑤枉甫

素什錦

魚肉煎蛋

清蒸大海班.  五嫂用了頂爺教的方法蒸魚呀!

仲有德國鹹豬手


我也整了燻蹄

當然仲有今天剛包好的素鵝啦.

跟著仲有兩碟菜, 青紅蘿蔔豬骨湯....

最後仲甜品湯丸, 甜甜蜜蜜圑團圓圓.   

一家人食團年飯就是最溫暖. 

食完飯送媽媽回家, 再去元朗接Whisky仔返屋企呀!

沒有留言:

張貼留言