泰源大排檔 - 火炭

February 8, 2019, Friday, 年初四

昨天三十幾人在我家團拜, 由朝做到晚, 做到我同Cindy氣都咳.  Cindy話今日要放假, 咁當然比佢放啦,  好好休息吓, 恢復體力呀!

今年五嫂整咗幾把利是扇(利是封做的扇), 每家送一把.  幾靚喎!  放在大廳裝飾, 有的新年氣氛.

我再拎多一款利是封, 即席再整多一把, 哈哈, 好易整的.

昨天咁多人, 跟本無時間同多倫多回來的三家姐傾謁, 所以今日約咗三家姊姊夫姨甥一家食晚飯.

姨甥話火炭有間大排檔的野幾好食, 又就近佢地, 咁一齊去試吓啦.

火炭泰源大排檔, 我地都係跟GPS 搵到去.

黃金墨魚咀

燒乳鴿, 一般

糯米飯, 好味

蒸水蛋, 的蛋蒸得好老呀!

豉椒炒蜆

羊腩煲

豉椒大蟶子, 哈哈, 一二三每人一隻就食哂, HK$38 一隻, 我地要了六隻

蒜蓉開邊蝦, 的蝦細隻咗的喎.

豉椒鵝腸

蒸大鱔

姨甥唔食鱔, 另外叫多一碟椒鹽九肚魚

佢仲話要多一個魚香茄子放飯呀!

大家食到飽飽.   唔好以為大排檔好平呀!   年初四要加一, 埋單HK$1,800.

咁的食物都ok 嘅.