烏龍當歸野豬骨湯

January 21, 2014, Tuesday night

今日返到屋企, 食晚飯時見到的餸菜, 覺得有的奇怪...

點解有當歸羊肉湯, 上之買咗隻羊腿唔係煲咗咩.

型爸見到好開心, 馬上叫Ruby攞的腐乳, 哈哈哈哈, 點知一食落, 跟本唔係羊肉嚟架, 我問Ruby, 原來佢用咗嗰隻野豬腿, 佢話以為係羊, 咁咪學上次一樣要嚟煲當歸.

的湯雖然無羊肉湯咁好飲, 但都唔難飲嘅, 不過的豬骨肉梗係無的羊肉咁好食啦. 型爸好失望咁食咗一嚿就算啦.  淨飲湯啦.

但係工人姐姐講嘅野唔好盡信呀!

 

呢碟梅菜蒸肉餅, 呢的肉都係同一隻豬腿切出嚟, 咁有咩野理由骨係羊骨, 肉係豬肉啦, 唔通呢碟係剁梅菜羊肉餅. 

 哈哈哈哈, 好彩我地都無所謂, 八點幾先返到嚟食飯, 食咩都好啦.  的碟豬肉餅的肉質真係好爽, 同平時的豬肉真係唔同.

 

另外有煎鹹香馬友

炒唐萵

今晚只有我同型爸食晚飯, 好夠啦.