知味重慶雞煲

January 12, 2017, Thursday

今天Cindy生日, 又撞啱佢放假, 一早就話定今晚會夜的返.   我呢排忙都死, 都無時間買禮物比佢, 索性比封利是佢, 等佢鍾意買咩就買咩啦...

放咗工返到屋企已經八點幾, 梗係出去食....型爸話去知味小廚, 二公子話去食雞煲...咁得啦, 知味小廚就有雞煲

知味小廚有兩款雞煲, 一係重慶, 一係醉雞, 我們選了重慶

雞煲仲有一碟菜送.

 

有例湯送... 

 

個雞煲送到嚟只有五六成熟, 就要烚吓烚吓先..   呢個雞煲好濃味, 越食越辣呀！

我地另外叫咗一個魷魚蒸肉餅晚餐....好肚餓, 三個人分一碗飯, 好快就攪掂.

二公子又再問我幾時整麻辣雞煲比佢食.....  哈哈, 好忙, 你等吓先, 等我去完越南番嚟, 睇吓有無時間整啦.