待客

January 7, 2017, Saturday

呢個星期, 每人午餐都係匆匆忙忙, 今日星期六, 下午無咁多meeting, 就帶兩位外國女士去食午飯.   本來諗著同佢地食西餐, 點知佢地話要食中式點心.

咁我再問佢地喜歡去酒店中餐廳定本地酒樓, 咁我話酒店中餐廳點心款式少的, 而本地酒樓就多的款式. 咁佢地話要去本地酒樓...咁我就帶咗佢地去聚德軒.   諗著呢道細細地無咁嘈, 但估唔到星期六下午都頗多人.   但都馬上有位.

其中一位外藉女士話八年無嚟過香港, 攪笑, 第一時間諗起义燒包, 蝦餃...  另外一位女士就唔食得海鮮, 有蝦都唔得... 咁就要諗諗點叫.

咁就先叫了义燒包及义燒燒肉拌盤.

蘿蔔絲酥卷

跟著係蝦餃燒賣, 素餃, 潮州粉果, 牛肉腸, 蛋白菜炒飯, 蛋撻, 芝麻擂沙沙丸....

 

招待客人就梗係唔可以用2.5原則, 點都要叫多的.

聽到佢地話Yummy Yummy, 食得好開心咁我都好開心.  待客之道係咁加麻.

不過聚德軒的侍應好多個都唔掂, 木口木面, 愛理不理,  叫了四五個侍應, 只有一個好面口仲識笑.  其他的 我地講到好客氣, 佢地都係好似唔想答唔想煩咁 (咁我一定要知道炒飯入面唔可以有海鮮麻).  真係唔知佢地待客之道係咩.   唔知係老闆對佢唔好定佢唔鍾意份工.  

 平時去飲茶都唔覺, 今日攪咩?