南涌鳳坑谷埔

December 25, 2016, Sunday

昨晚玩到零晨一點幾, 今早好多人請假呀!

組長都已經好識做, 今天遲的出發, 09:45...但只有四人成行, 組長副組長, 仲有型爸同我.   哈哈, 我地習慣早起, 就算遲睡, 都一樣好早就起床

今日唔想行太耐, 都係行返鳳坑谷埔

天氣有的涼, 天色灰濛濛

行到一半見到有個牌...咦, 馬料水有船去荔枝窩

而呢道行去荔枝窩就要3.5小時.

我地睇吓地圖研究吓可以點行.

睇嚟我地可以由道行去荔枝窩, 行完坐船去馬料水再返屋企.....但要返去鹿頸攞返架車....要再諗諗.

利要出發記士多...又見到隊哈利車隊....大部份都係中老年車手

行完組長帶我地去粉嶺水上人生滾粥...佢話呢道的豬潤腸粉好好味架.

組長, 副組長要了艇仔碎牛粥

 
我要了艇仔碎豬潤粥

型爸要了皮兔瘦肉豬潤粥

呢道的豬潤真係又爽又滑...

我地要咗兩碟豬潤腸, 一碟炒麵, 一碟炸兩....

水上人仲有分店, 賣魚蛋粉的.