2017年1月16日 星期一

打冷

January 8, 2017 Sunday

星期日本來係行山天, 但要返工, 之前日日見客, 積存咗太多paper work, 唔返去清真係唔掂.

當做到天昏地暗時, 行山組Whatsapp傳來很多張相片....哼哼, 佢地今日行西貢浪茄呀!

今日唔可以做得太夜, 要去買餸, 如果唔係下個星期Cindy唔知煮咩.

買完餸頻撲一輪, 開始覺得有的唔舒服, 頭重重, 條氣管Chok著.  敝, 唔通又中招?

型爸見我日日都咁忙, 趁星期日想同我出去食飯, 其實我唔係幾想出街食, 但見佢興致勃勃, 都唔想掃佢興.  本來想去粉嶺, 佢見我好似傻吓傻吓咁, 佢話不如去強記打冷, 叫個砂鍋粥.   是但啦,

型爸要了炸蠔餅...睇落好靚, 但真係唔掂, 九成係炸粉.

滷水拼盤

我地想要砂鍋粥, 點知打冷檔話星期日粥師傅無返, 無粥食.

咁唯有叫碟鹹魚蓉炒芥蘭代替鍋粥啦.

型爸叫咗枝啤酒, ,我頭痛兼喉嚨, 唔陪佢飲啦.

今日碟菜OK, 滷水拼盤就麻麻, 碟蠔餅就真係唔得啦.

埋單hk$231

返到屋企越來越覺得唔妥, 馬上去搵的舊藥頂著先, 明天要去睇醫生.

沒有留言:

張貼留言