2017年2月1日 星期三

Vietnam - Day 3

January 16, 2017, Monday

行程第三天, 比較輕鬆, 主要是市內觀光.     自遊行我地都鐘意hea吓, 行吓食吓就ok

今天可以九點食早餐, 十點先出發.

不過今日食少少得啦, 鄰居領隊話帶我地出去食好野

咁都可以飲杯咖啡食件多士

十點出發, 去食咩好野?


鄰居領隊帶我地嚟呢間小店


食肉鬆粉卷, 佢地話呢道的粉卷超好味

近近門口無冷, 坐入面反面有冷氣

因為大家都食咗少少早餐, 所以叫四五款食品, 每人試吓都好夠啦.  除了似蛋糕那款麻麻地, 其他三款都好好味, 粉卷米糕...ichiban!

呢餐食咗309,000.   折合大約HK$103.   鄰居話只要唔要後面三個零, 跟著除三, 就大約港幣價錢.   付人十幾文咋.

呢的米糕, 唔知係咪我地啱啱食嗰的呢,  好似砵仔糕咁, 拎出嚟加的肉碎在上面


走前睇吓佢地點整粉卷...全部都係即叫即整架.

跟著我地下一站去漆器廠參觀

去到廠, 有個小姐先介紹他們的製作過程



先經過他們的工場

見他們的師傅用鴨蛋殼做出立體及反光的效果

跟著去他們的銷售店, 地方很大好似百貨公司, 款式很多, 有兩位鄰居買到心頭好呀!

攪攪吓都已經十二點幾, 我地又去食啦.

叫司機搵咗一陣先搵到呢間店

坐低其中一位要了可樂, 呢道的可樂高高長長, 上面印著祝你幸福呀!


呢餐食咩野, 係全蟹宴呀! 蟹肉春卷, 軟殼蟹, 蟹肉炒飯, 蟹肉粉麵, 好好味呀!

呢餐食咗1,571,000, 即HK$524.

睇吓, 全部都係真材實料

記著呢個名Quan, 94,  有第二間唔係94, 佢地話呢間好味的.

食完又去下一個行程

 
又去參觀戰爭記念博物館

有兩對鄰居唔想睇, 咁佢地樓下飲咖啡傾謁, 我地另外兩對就入去睇

個博物館有三層, 有好多想片都真係睇到唔開心.  我地走馬看花都睇咗45分鐘, 如果認真慢慢睇, 可能要個幾兩個鐘.

睇完就去行吓街, 跟著返酒店休息.

晚上六點半再出發, 今晚我地去食中國菜呀!

呢間叫點都得


呢間酒樓唔錯呀

點菜就由鄰居點啦.

型爸在飛機買了一葛馬蘭威士忌, 呢枝酒好野嚟架, 攞咗獎, 價錢又抵飲.  型爸拎嚟與各位共享.

美味的一餐, 最後要了合核糊做甜品, 真係生蘑, 好好味呀!

呢餐食咗3,500,000 大約HK$1,200, 八個人都真係好抵食.

到第三日先開始對的越南盾有的印象 (基本上我地都係用美金, 但他們不會用美金找續, 只會退回越南盾)

呢張係最大500,000


跟著有200,000, 100,000, 50,000, 20,000, 10,000, 2000, 1000, 500.

我地無叫司機得我地, 食完飯慢慢行回酒店, 都只係大約20分鐘.

沒有留言:

張貼留言