2017年5月18日 星期四

象拔蚌雞魚翅湯

May 13, 2017, Saturday

星期三那天, Cindy收到家鄉打來的電話, 她爸爸心臟病發去世了.   她在嚎啕大哭, 兩隻狗狗很有靈怔, 見她哭得傷心, 都去舐她鍚她.   當晚Cindy出機場, 坐第二天七點的飛機回緬甸奔喪.

Cindy突然離開, 家務事又落在我身上.  星期四五, 兩晚已經在外吃晚飯, 今天唔想出去食, 煲個靚湯飲吓啦.

本來諗著搵包螺片, 點知螺片就搵唔到, 象拔蚌乾就比我搵到一包, 即時浸咗佢

雞先去皮, 與豬腱象拔蚌乾先汆水

最重要加了這黑毛豬腿骨.  雞要去皮, 但這豬腿骨一家要連皮一起煲.

先將急凍翅放入, 再將所有配料加入, 一按煲湯制就得啦.  

呢個煲真係得, 三十分鐘後已經煲好, 一打開, 好香呀!  湯面有的油香, 就係那黑毛豬腿骨的油.

每人一湯碗, 我同二公子都覺得好味, 無需加鹽.  型爸就加了一點海鹽, 佢話更好味.

咁大煲飲唔哂(大部份的翅在這煲內).  用個康寧煲留起.  象拔蚌留起可以XO用醬炒來做餸.  的雞肉就益吓兩隻狗狗啦.

沒有留言:

張貼留言