一口牛晚餐

May 13, 2017, Saturday

今日在家好似攪咗好多野咁, 但其實都係按制煲湯, 按制燉燕窩.  

至於晚餐就仲簡單, 用個電煎pan, 一面煎一面食, 仲easy!

呢包一口牛, 响梁九記買的, 熊本出品, 我見的牛肉粒睇落好靚, 即刻買嚟試吓.

解凍用過濾水畧沖洗一下.  

呢的秋葵, Cindy吩咐要快的食咗佢, 唔留得.

今餐咁easy, 就由型爸做大廚.  無需落油, 的牛肉一煎就出油, 好靚喎!

煎好加的黑胡椒鹽就得, 的肉質好腍, 牛味雖無西冷牛扒咁重, 但都算唔錯.

煎埋的秋葵

好好味呀!

覺得唔夠蔬菜, 即係去雪櫃攞的啡蘑菇白蘑菇煎嚟食.  

嘩, 原來的牛油炒蘑菇好好味架.

即刻攞哂所有的菇出來煎嚟食....

今晚飲品, 自家煲的粟米鬚/芯水, 清熱呀!

跟著仲有象拔蚌雞翅湯

跟著的仲有燕窩做甜品, 非常滿足呢!