2011年12月18日 星期日

九龍富豪酒店富豪軒午膳


2011年12月18日下午11:07公開累積瀏覽 144 1


呢個係預訂嘅菜譜, 共七款點心, 三個餸, 一飯一麵加三款甜點,  應該夠嘞
記得以前嚟呢道, 個春風得意腸有好好味, 點知而家已經無咗, 只有呢個炸兩, 又係唔得, 的油炸鬼大部份都係腍, 只有少少脆


蝦餃, 燒賣, 义燒包, 素粉果都唔記得影, 呢個小籠包有影但我無食.  我地一圍十三個人, 只得十二個, 我唔係好喜好. 讓其仔人食吧.

的春卷都ok


呢碟碧綠金銀蝦球真係要讚, 個個都話好味, 差唔多夾哂我先記影.  一半係清炒蝦球, 一半係黃金蝦球.  好味喎.

濃湯桂魚浸時蔬, 呢碟都做得好好.  因為有外國客人, 唔想要的魚成條出, 的魚肉起哂出嚟, 無骨就最好


菠蘿咕嚕肉, 都做得唔錯, 份量仲好大添, 又係無骨嘅


金銀貝帶子蛋白炒飯, 呢個一般


呢碟燒汁蘑菇牛仔肉煎生麵就差的啦.  個麵煎得幾好, 但的蘑菇燒汁同的牛肉超鹹, 我地呢檯有半碟無食, 叫佢地拇返入廚房比廚師試吓,  但叫佢地唔使換的咩嘞, 淨係比佢知啫.  可能偶有失手.


燕窩芒果糕, 梗係食唔到有燕窩, 味道唔錯, 但係落得魚膠粉多咗的, 有的實


紅豆糕, 都幾好味, 但同燕窩芒果糕一樣, 實咗的.  食呢的糕, 要震震地先至好加麻


蛋散, 呢樣就唔係好得啦, 有同事仲話有少少油益味, 但我食啦唔覺, 最唔得係用嚟醮嘅糖漿,  灑的芝麻用蜜糖係咪好的呢.

呢餐我地有折扣, 每席二千幾.  酒店食, 唔算貴.   最好都係嗰三味餸, 個個食都讚.  其他的就一般啦.

沒有留言:

張貼留言