呢條係牛蜱領帶, 帶咗可以防牛蜱, 咁就即刻帶啦. 一條用兩個月, 姑娘提我一定再買有AMITRAZ呢隻成份, 如果唔係無效架.
呢款要滴頸, 防蚤, 要視重量而開唔同嘅藥. Loki病後偏瘦, 只得17.5kg, 可以用呢款10-20kg
杜蟲藥, 每三個月一次, 每次半粒
特別狗糧. 佢之前病後, 食緊猫糧以增加營養, 蛋白質同能量. 雪橇腸胃好易敏感, 醫生開咗呢款狗糧, 叫佢食住一段時間, 之後再買普通狗糧, 慢慢轉比佢食. 嘩, 好似湊bb咁.
我問姑娘使唔使幫佢擦牙, 佢就比咗呢包bar狀食物, 要嚟潔淨牙齒喎
仲有呢支沖涼液, 姑娘話雪橇唔會出汗出油, 只可以用滋潤嘅野, 就介紹呢款有蘆薈嘅Oatmeal Shampoo, 第日出外買, 唔好要特別香味....呢支一定貴過我而家用緊嗰支沖涼液.
再加埋打咗三支防疫針, 心絲蟲針...埋單一仟八佰四十六....養狗真係唔簡單呀!
沒有留言:
張貼留言