2011年12月1日 星期四

八號部屋聚餐


2011年12月1日下午11:10公開累積瀏覽 476 3

 
今晚嘅聚餐去咗八號屋舉行, 但係地方所限, 唔可以相約太多部屋一齊出席, 咁我地幾家常常開party嘅就梗係台柱嚟啦.
 
 

十三號部屋嘅冬菰炆鴨掌


十三號部屋嘅豆豉鯪魚炒油麥菜

十號部屋煎薄餅

十號部屋炒菜心

三號部屋帶子南瓜

三號部屋車乳炆豬肉

八號部屋秘製腩肉, 呢款腩肉, 用嚟送酒, 鹹鹹地乾身

八號部屋生菜冬菰
 

八號部屋煎鴨潤腸, 佢話要嚟送紅酒好正呀!

五號屋嘅臘腸雞卷


五號屋嘅麒麟豆腐


睇吓, 真係好多野食呀! 八號屋仲整咗個紅蘿蔔蓉炒飯, 不過太多餸放唔哂, 要食飯, 要去廚房裝啦.

我碟麒麟豆腐勁大碟呀.  今日我地都好犀利, 淨係食剩的冬菰鴨掌(因為好大煲), 生菜, 油麥菜, 其他嗰的全部食哂.  哈哈, 食唔哂嗰的要自己拎走架.  我地覺得好滿足, 一定比去酒樓食好好多, 仲可以飲酒添

講起飲酒, 又要睇吓我地今日飲咩野酒啦.


男士們清埋呢支Suntory Old Whisky


女士飲紅酒, 飲咗一支, 唔開啦,


餐後又清埋支檸檬甜酒

飲完甜酒都唔知飲咩好, 咁又飲吓的梅酒.  林老闆話, 呢隻梅酒, 原來唔係用普通清酒釀架, 原來係用大吟釀製, 所以日本餐廳都收得好貴, 糖亦放得好少.  雖然入口烈的, 加冰後都ok架, 梅味好香, 無平時的梅酒咁甜.


八號部屋個菲傭姐姐, 仲整咗個pound cake 比我地做甜品, 跟著八號部屋女主人即刻沖壺靚茶一齊飲....

大家都好滿足呀!

沒有留言:

張貼留言