February 02, 2013, Saturday afternoon
好攰呀! 一朝早起身, 帶Loki去完街之後就開始執書檯....執呀執呀...點解咁多文件架....
好攰呀! 一朝早起身, 帶Loki去完街之後就開始執書檯....執呀執呀...點解咁多文件架....
下午都係响屋碗什丸即食麵....跟著就繼續執呀執呀.....三點幾, 卒之攪掂...又攰到散哂!
本來諗著下午唔出去, 型爸自己帶Loki出去, 我就留喺屋企煮飯等二公子返嚟...點知型爸引我, 不如我地今日帶Loki去狗公園吖, 上網check咗架啦. 我諗佢真係好想我同佢一齊去, 好啦, 好啦, 煲落湯就出去啦.
呢就係呢處呀, 叫保榮路休憩處, 係狗公園嚟架,有個牌叫唔好咁嘈, 的狗唔知合唔合作呢?
本來諗著下午唔出去, 型爸自己帶Loki出去, 我就留喺屋企煮飯等二公子返嚟...點知型爸引我, 不如我地今日帶Loki去狗公園吖, 上網check咗架啦. 我諗佢真係好想我同佢一齊去, 好啦, 好啦, 煲落湯就出去啦.
呢就係呢處呀, 叫保榮路休憩處, 係狗公園嚟架,有個牌叫唔好咁嘈, 的狗唔知合唔合作呢?
去到Loki覺得好新鮮, 同圍貢, 仲不停响草叢放低的霸地盤
呢道最好就係有兩處地方, 有欄圍著, Loki仲未識同其他狗一齊玩, 有欄圍著, 我地先敢放狗帶
呢一邊有好多隻狗仔一齊玩
仲有呢隻西摩丸, 叫Billy, 個樣好似Winnie the Pooh呀!
當大家都好開心傾謁時, 突然有一隻好細隻嘅狗仔, 由欄底走咗入嚟, 型爸即刻想抱起隻狗仔, 我又即刻去拉著Loki, 但我地兩個失敗, Loki一衝過去, 咬著小狗條頸搖咗兩吓, 掉佢落地, 嚇到隻狗仔係咁叫. 我即刻捉著Loki, 佢地個工人姐姐即刻抱起隻狗仔. 隻狗仔無事, 嚇到震哂, 跟著唔敢再落地跑, 要人抱著. Loki其實唔係真係咬落去, 佢只係當佢係玩具. 好彩隻狗仔無事咋, 唔係我地都唔知點算.
隻狗仔無事, 告一段落. 呢個時候, 有隻靚女過嚟
就係佢嘞, 佢叫Chocolate朱古力呀! 走過嚟聞吓Loki先, Loki見到佢唔吠喎, 但係Chocolate小姐對佢無咩興趣喎.
隻狗好純好乖呀, 主人都唔使用狗帶, 佢主人拉佢, 佢先肯行入嚟同Loki say hello. 但聞兩聞, 兩隻對大家都無咩興趣喎.
佢主人開水喉, 佢會去飲水, 跟著仲識用手撥的水嚟洗面, 好得意呀!
响狗公園同Loki玩一個鐘就返屋企啦, 二公子應該差唔多返到屋企啦.
當大家都好開心傾謁時, 突然有一隻好細隻嘅狗仔, 由欄底走咗入嚟, 型爸即刻想抱起隻狗仔, 我又即刻去拉著Loki, 但我地兩個失敗, Loki一衝過去, 咬著小狗條頸搖咗兩吓, 掉佢落地, 嚇到隻狗仔係咁叫. 我即刻捉著Loki, 佢地個工人姐姐即刻抱起隻狗仔. 隻狗仔無事, 嚇到震哂, 跟著唔敢再落地跑, 要人抱著. Loki其實唔係真係咬落去, 佢只係當佢係玩具. 好彩隻狗仔無事咋, 唔係我地都唔知點算.
隻狗仔無事, 告一段落. 呢個時候, 有隻靚女過嚟
就係佢嘞, 佢叫Chocolate朱古力呀! 走過嚟聞吓Loki先, Loki見到佢唔吠喎, 但係Chocolate小姐對佢無咩興趣喎.
隻狗好純好乖呀, 主人都唔使用狗帶, 佢主人拉佢, 佢先肯行入嚟同Loki say hello. 但聞兩聞, 兩隻對大家都無咩興趣喎.
佢主人開水喉, 佢會去飲水, 跟著仲識用手撥的水嚟洗面, 好得意呀!
响狗公園同Loki玩一個鐘就返屋企啦, 二公子應該差唔多返到屋企啦.
沒有留言:
張貼留言