2015年12月28日 星期一

粥底蒸汽海鮮火鍋

Dec 13, 2015, Sunday

蒸汽火鍋都興咗好耐, 外面我餐廳, 仲要攪到七八九層.   我對呢款九層蒸無興趣, 因為唔覺得一次過蒸九樣野會好食, 一係要食得好急, 如果唔係, 食到最後嗰幾樣咪蒸到老哂.  但逐樣逐樣蒸, 我又覺得可以喎.

組長買咗個蒸火鍋,  用嚟蒸海鮮, 鍋底煲粥, 佢話的粥鮮甜到不得了....一聽到, 梗係要試吓啦.

 
 唔想買多一嚿野放响屋企, 我就自製一個蒸汽鍋.   用平時用開嘅邊爐鍋, 加咗一個30cm蒸架, 好彩我又有一個30cm煲蓋, 咁呢個自製蒸汽鍋就成事啦.

型爸就梗係好開心啦, 佢係火鍋fans, 係唔係都想食火鍋.  我肯整佢肯食.


買咗好多款海鮮呀!  包牛肉係專為二公子而切,  不過最終包牛肉都無開, 全海鮮餐呀!


呢個30cm蒸架, 平時好少用, 估唔到今日大派用埸

洗咗大半杯米, 睇吓我呢個洗米兜, 係用嚟洗米, 洗豆專用,有小孔去水, 倒水時唔會跌哂的米架.

鍋底煲滾水, 加的生米落去.

跟著加埋的龍蝦腳

開始蒸野食啦, 咩都放的落去啦.

玻璃蓋, 一見的野熟就食得....真係好鮮甜呀! 

拎起的熟嘅又放的生嘅落去....哈哈, 又幾過癮, 海鮮好快熟, 唔使等好耐, 好快有得食.

跟著就到蒸龍蝦啦, 的龍蝦比我剪哂的腳用嚟煲粥


的海鮮原汁原味, 非常好味, 有需要就醮的辣椒豉油.

今日飲品, Apple Cider.

 
當的龍蝦熟咗, 我地用义拎起的用, 將龍蝦頭放埋落的粥道煲

 螄蛤就唔敢蒸, 另外用水焯熟, 惜有沙呀!

呢碟係比Cindy架, 佢超開心呀!

佢將佢份食物, 立即影張相send 比佢屋企人呀!

至於呢碗粥, 真係無得頂!  加咗少少鹽, 的味鮮甜到不得了, 海鮮精華, 全部落哂的粥道. 讚呀!

食到埋尾, 林老闆同另一位鄰居散步過嚟, 林老闆邀請型爸去佢嗰邊, 話有好酒飲!    型爸聽到有好酒飲, 即刻個心都飛咗去.   話比我聽飽啦, 唔食啦.   以佢平時鍾意食粥嘅程度, 一定食多碗海鮮精華粥, 今日就話飽, 即刻走咗去.

去到先再打電話比我, 媽咪, 你快的過嚟啦, 幾位鄰居都响道一齊傾謁呀!

去到, 原來今日開咗枝30年嘅威士忌, 梗係靚酒啦.

林老闆的家人嚟, 佢親自炆咗十幾斤羊腩, 仲送咗一小煲比我地呀!

佢的家人走哂, 就輪到我地嚟傾謁飲酒食生果.

至於剩低嘅龍蝦海鮮精華粥, 就變成我明天的早餐啦.

2 則留言:

  1. 你好,請問你底層落左幾多水,我怕會亁曬

    回覆刪除
    回覆
    1. 其實落幾多水係根據你個鍋有幾大,開始時會加到滿,煮到咁上下亦需要加滾水,因為滾吓滾吓,的粥會越煲越稠.

      刪除