燒味飯

Jan 29, 2016, Friday

呢排真係忙到氣咳, 晚晚都要加班, 返到屋企都已經八點幾.  雖然好攰, 都唔可以帶的負面情緒返屋企.

Cindy放假, 煮就一家唔會煮, 真係攰到唔想出去食.  但型爸就好體貼咁問我鍾意食咩野, 咁凍食蛇好唔好, 真係救命, 星期六咪响佛山食咗蛇囉.   我淨係可以講要快快趣趣, 食完快的返屋企, 我想早的休息. 佢開車兜出上水, 見到一間燒臘店, 問我食燒味飯好唔好, 是但啦, 都係一餐.  諗一諗, 都無留意上水呢道有間燒臘店, 幫襯吓啦.

咁啱門口有個空位, 我地泊喺門口, 可以望著架車.


已經八點幾九點, 燒味都賣剩好少, 入到去鋪仔好細, 只得三四張檯


見到個餐牌, 都唔識睇, 以為單拼一碟飯要HK$50, 雙拼HK$55

型爸要了义雞飯

我要了雞鵝飯.

食緊期間, 有人入來買雙拼飯, 我聽到收銀收HK$25一盒, 咁平嘅.

跟著我就問侍應外賣咁平嘅, 佢地話係呀, 呢道鋪仔細, 主力做外賣, 可以做多的生意.  外賣雙拼HK$25, 堂食HK$35, 但鵝就貴的.

最後型爸嘅义雞飯係HK$35, 而我嘅雞鵝飯係HK$48. 

我同型爸講, 下次我好攰時, 買义雞飯返嚟比我食得啦....慳的.