鐵牛+ 豐記魚蛋粉

February 18, 2016, Wednesday

今年農曆年假真係好, 放足九日.  年初八先開工.  返到公司, 同事又用Lego砌咗個揮春, 真係叻叻呀!

一返工就回到現實世界...忙到氣咳, 一開工就天天加班, 日日都做唔哂的野.

今日約咗Akiramay食lunch, 要比支票佢呀!  哈哈, 佢又幫我訂咗機票, 月尾去旅行呀!

佢未去過鐵牛, 去排吓隊, 都好快有位.   而家好精明架啦, 等位時就睇家食咩, 先畫好.  一有位就馬上去cashier比錢, 跟著的野就好快嚟.

Akiramay要了鹽酥雞滷肉便當

我就要了滷肉排骨便當, 其實HK$52一份, 都好抵呀!

晚上好夜返到屋企....呀! 做到暈咗唔記得Cindy今日放假, 返到去再開車出去上水搵野食.

咦! 餃子王原來執咗笠, 改咗做豐記魚蛋粉

就試吓呢間啦, 下午食個滷肉排骨便當, 到晚上都未係好餓, 食碗魚蛋粉都好喎.

的價錢普普通通啦, 地鋪租貴, 三十幾文一碗粉麵, 都係咁上下啩.

  

 鋪頭裝修同以前餃子王都差唔多

我要了魚蛋粉

型爸要了膀肚麵


油菜一碟

的辣椒油勁辣

型爸再要了一客餃子加豆漿

埋單HK$106, 咁又攪掂一餐.