2016年2月26日 星期五

家人團拜年初六

February 13, 2016, Saturday

今日有壓力呀!  我家的人來拜年, 計計吓數超過三十幾人, 安排地方同食物都好有壓力呀!  為咗今天, 要昨天來的老友們食外賣呀!

本來聚會是在年初三, 為咗加拿大回來的四哥, 延至年初六.   咁難得佢回來, 梗係等埋佢啦.

天公做美, 天氣頗佳, 可以好好利用戶外, 如果唔係真係放唔落咁多人呀!

第一round在室內, 整咗的小食比佢地食.   當然少不免我的蘿蔔糕芋頭糕, 仲有我一早起身整嘅椰汁雞蛋年糕.   仲有兩jar Sangria, 黑毛豬火腿, 芝士, 糖果....咩都有的啦.

晚餐就要分流, 唔係放三圍檯.  係一邊燒烤, 另一邊粥底蒸氣火鍋, 每邊十幾人, 再加上室內十幾人...咁先攪得掂

我就忙到頭都暈埋, 我同Cindy, 淨係預備的食物都好唔得閒

不過見到佢地食得好開心, 我都好開心.
粥底海鮮鍋同火鍋就由三位姪女做美女廚神, 烚比大家食.

佢地好有我心呀!  燒埋, 蒸埋比我食....

我已經整定兩load 麵包, 但係個個都鍾意食炭燒蜜糖麵包, 唔夠食呀!....仲有烤蕃薯, 食唔落都要攞兩個返去食....開心呀!

請人來我家, 最開心就係盡量食哂的野, 唔好剩咁多, 唔係塞爆個雪櫃呀!

最後就就幫我攪掂埋煲腐竹雞蛋銀杏糖水.

的客人走哂, 我地就開始執拾... 今日真係攰到腰都企唔直, 唔止我呀, 型爸同Cindy都係呀!

瞓落床, 條腰痛得要命.  收到組長通知明天八點半出發, 型爸同我講不如休息一天啦, 攰成咁唔好行啦.   咁好啦, 明天休息一天,  今晚好好瞓一覺.

沒有留言:

張貼留言